2021 senesi 11 noyabr künü, Aqmescit Merkeziy rayon mahkemesi advokat Edem Semedlãyevni polis hadiminiñ emirine tabi olmağanında qabaatlı tanıdı.
Semedlãyev üstüne eki ceza protokolı yazıldı. Birincisi polis bölüginde Semedlãyev tarafından audio yazılmasını toqtatmaq emrine tabi olmağanı içün, ekincisi de Edem Semedlãyev polis hadiminiñ oña soyunmaq talabını inkãr etkeni sebebinden yazıldı. Birinci protokol neticesinde advokat 12 künge hapiske alındı, ekinci protokol boyunca 4000 ruble para cezasına mahküm etildi.
QRM rusiye silãhlı küçlerniñ işğalcı hakimiyet tamır halq-qırımtatarlarğa nisbeten diskriminatsıon siyasetniñ köstergiçi olğan bu qanunsız areketlerini takbih ete.
Serbest advokatnıñ tutuqlama ve taqip etilmesi ukrain ve rusiye qanuncılıqnıñ advokatlıq faaliyeti haqqında qanun ve OON tarafından 1990 senesi qabul etilgen Esas printsiplerden yurist rolüne ait printsıplerini bozmaqta. Mezkür printsıpler hakimiyetlerden yuristlerni mahkeme taqibine oğratmamaq, zenaat talabı mucibi, etika ve tertipke köre yapılğan her hangi amelleri içün mahkeme, administrativ, iqtisadiy ve diger sanktsıyalarğa oğratmamaqnı talap ete.
QRM advokat Edem Semedlãyevni azat etmege, işğal etilgen Qırımda siyasiy mahbüslerniñ menfaatlarını qorçalamaq içün faaliyet köstergen diger serbest advokatlarnı taqip etmemege çağıra.
QRM Ukraina Prezidenti, Ukraina milliy havfsızlıq ve mudafaa Keñeşi, Ukraina yuqarı şurasından Edem Semedlãyevniñ tutuqlamasına alãqası olğan şahıslarğa nisbeten sanktsıyalarnı kirsetmege talap ete.
QRM halqara cemaatçılıqnı siyasiy taqiplerni toqtatmaq maqsadınen RF ve Qırım işğalcı hakimiyetine qarşı basqını arttırmaq ve işğal etilgen Qırımda insan haqlarını bozuvına alãqası olğanlarğa nisbeten sanktsıyalarnı kirsetmege çağıra.