Qırımtatar resurs merkezi 2022 senesi oktãbr ayında işğal etilgen Qırımda insan haqlarını bozuvlarınıñ talilini taqdim ete. Teşkilãtnıñ malümatlarına köre, mezkür devir içinde 2 tutuqlama, 1 tintüv, 23 yaqalama, 2 sorğu keçirildi ve 2 kere mahbüslerniñ yeri deñiştirildi. Adaletli mahkeme haqqı 29 defa bozuldı. Fizik ve ruhiy sağlığınıñ yüksek seviyesine haq 4 kere bozuldı. Daha tafsilãtlı malümatlarnen esabatımızda ögrenmek mümkün. Şundan da ğayrı, talilde Herson ve Zaporojye vilãyetlerinde insan haqlarınıñ bozuvları haqqında da bilgi mevcut.