Cumaaqşamı künü, 23 fevralde saat 15.30-da ‘Ukrinform’ informatsıon agentliginde Qırımtatar Resurs Merkezi ve işğal etilgen territoriyalarını reintegratsıya Nazirligi tarafından Qırım işğaline muqavemet künü munasebeti ile matbuat konferentsıyası keçirilecek ve ‘9 yıl muqavemet’ adlı sergisi açılacaq. Jurnalistler, cemaat erbapları, bütün istegenlerni tedbirimizge qoşulmağa davet etemiz.
Spikerler:
Eskender Bariyev- Qırımtatar resurs merkeziniñ reisi, qırımtatar Milliy Meclisi çetel işler ve huquq meseleleri boyunca idaresiniñ başı;
Tatyana Podvornãk- QRM kommunikatsıya meneceri;
Anatoliy Stelmah- işğal etilgen territoriyalarnı reintegratsıya meseleleri boyunca nazir muavini;
Vladimir Tarçinskiy- işğal etilgen territoriyalarını reintegratsıya Nazirliginiñ infomatsıon siyaset idaresiniñ reisi;
Refat Çubarov- Qırımtatar Milliy Meclis reisi;
Andrey Yermolenko- ukrain ressamı, karikaturcı.
Qırım Muhtar Cumhuriyeti işğal altında bulunması 9 yıl, Ukrainağa qarı başlatılğan cenk ise 1 yıl devam etmekte. İşğal devri içinde siyasiy sebeplerden dolayı cinaiy taqipler altına 276 adam tüşti, 165 adam ise azatlıqtan mahrum qaldırıldı. Qırım sakinleri, yañı işğal etilgen territoriyalarda yaşağanlar da milliy, diniy, siyasiy alemetlerge köre diskriminatsıyağa oğraylar, vatandaşlıq faaliyetini köstergenleri içün, içtimaiy ağlarda dercleri içün taqip etilmekteler.
Ukrain cemaatçılıqqa rusiye federatsıyasınıñ cinayetleri haqqında daima hatırlatmaq kerek. Çünki cenk, asılında, 2022 senesi degil de, RF Qırımğa qanunsız şekilde kirgeninde, yani 2014 senesi başlağan edi.
Tedbir çerçivesinde spikerler Qırımdaki ve yañı işğal etilgen territoriyalardaki aqiqiy vaziyet haqqında hikãye etecekler, QRM tarafından Qırım işğaline muqavemet kününe hazırlanğan vizual-informatsıon mahsulatnı taqdim etecekler, ‘9 yıl muqavemet’ adlı sergini acacaqlar.
Adres: Kiyev ş., Bogdan Hmelnitskiy s., 8/16, ‘Ukrinform’ İA
Tedbirni QRM-niñ Facebook sahifesinde seyir etmege mümkün olacaq: https://www.facebook.com/ctrcenter
KHV temsilcileriniñ akkreditastıyası içün: ctrc@ctrcenter.org