9 yıl evel, 2014 senesi 27 mart künü BMT(OON) Baş Assambleyasınıñ 68- sessiyasında Ukrainanıñ territorial bütünligi haqqında rezolütsıya qabul etildi. Rezolütsıyanı Assambleyanıñ 100 azası destekledi, 58-i rey bermedi, 11 aza ise qarşı çıqtı.
Hatırlatamız ki, vesiqada Qırımdaki referendum tanılmayıp, Ukraina territoriyasınıñ bütünligi desteklene.
Mezkür vesiqanıñ qıymeti nededir?
BMT(OON) Baş Assambleyasınıñ rezolütsıyası mesleat ve tevsiye mizacını taşıy. Yani vesiqanıñ riayet etilmemesi içün devletler yuridik mesüliyetke çağırılmaz. Faqat bu hal rezolütsiyanıñ degerini azlaştırmay.
Eñ evelã 2014 senesi mezkür vesiqanıñ qabul olunması dünya cemaatçılıqnıñ rf tarafından Qırımnı işğal etmek istegenine dair açıq-aydın mevamını numayış etti. İlk rezolütsıyada Qırım -Ukraina olğanı, ukrain yarımadası vaqtınca işğal etilgen territoriya sayıla, rusiye ise işğalcı devlettir.
Qayd etmeli ki, 2014 senesinden Ukraina territoriyasınıñ bütünligini desteklegen Rezolütsıyadan ğayrı, BMT(OON) Baş Assambleyası tarafından ‘Vaqtınca işğal etilgen Qırımda insan haqlarınen bağlı vaziyet’ke dair 7 rezolütsuya ve ‘Qırım MC ve Aqyar ş. Ukraina, Qara ve Azaq deñizlerniñ militarizatsıya meseleleri’ mevzulı 5 rezolütsıya qabul etilgen edi.
Mezkür vesiqalarnıñ faydası:
Kün tertibinde Qırım işğali ve Ukrainağa qarşı rusiye zulumı meselelerini qayd etmek;
Qırım işğalini tanımamaq siyasetini devam etmek;
Rf cinayetlerini resmiy qayd etmek;
Agressor devletke qarşı siyasiy basqını kerçekleştirmek.