Strasburgta işğal etilgen Qırımda insan haqlarını bozuvnen bağlı vaziyet haqqında aytıldı

December 22, 2022

Bu tedbirniñ maqsadı – AŞ BK Mariya Peyçinoviç-Buriçniñ işğal etilgen Qırımda insan haqlarını bozuvınen bağlı vaziyet haqqında nevbetteki esabatnı azırlamaq içün malümat toplamaqtır.

Tedbirde qırımtatar Milliy Meclis ve QRM ve diger ukrain huquqqoruyıcı teşkilãtlarnıñ temsilcileri iştirak etti. Spikerler insan haqlarınıñ ve qırımtatar halqınıñ umumiy haqlarınıñ bozuluvını muzakere ettiler.

QRM reisi Eskender Bariyev öz çıqışında QRM ekspertleri tarafından evelden tercime etilgen insan haqları ve esas serbestliklerniñ qoruvı haqqında Konventsiyasını qırımtatar tilinde bağışladı.

‘Qırımtatarlar içün insan haqları ilk yerde turmaqta: müsülmanlar içün Qoran, hristiyanlar içün Bibliya, iudeyler içün Talmud olğanı kibi. Qırımtatarlar öz küreşinde, şu cümleden, 2014 senesi ruslar qırımtatarlarnı öz tarafına celp etmege istegende, halqara huquqqa her vaqıt riayet ete ediler’,- qayd etti o.

QRM reisi Qırımda ukraina vatandaşları, şu cümlerden qırımtatarlar taqip olunğanları, rusiye qanuncılıqnıñ haqsız işletilmesi, siyasiy mahbüslerni işkencege oğratqanlarını,  Mamed Dolgopolovnı aqıldan zayıflar içün hastahanede zoraki tedaviyletkenleri, onı anda 5 yılğa qoyğanları, ocalar ve balalar taqip olunğanları ve diger haq bozuvlar ve harbiy cinayetler haqqında bildirdi.

Evlerge qanunsız kirmeler, insanlarnı qaçırmalarğa qarşılıq köstermekniñ usullarını işlep çıqarmağa teklif etildi.

Bariyevniñ aytqanına köre, tögerek masa bayağı mahsuldar keçti, tedbirniñ bir neticesi ise AB baş kãtibiniñ maruzasında  aks olunacaq malümat ve teklifler olacaqtır.