Kiyevde ‘Ağır zamanlarda insan haqları’ halqara konferentsıyası keçirildi

December 9, 2022

On Friday, December 9, an international conference Human Rights in Dark Times was held in Kyiv, dedicated to the 74th anniversary of the signing of the Declaration of Human Rights.

Konferentsıya iştirakçileri: Ukraina hakimiyet organlarınıñ temsilcileri(nazirler, nazirler muavinleri), Ukraina Baş Prokurornıñ ofisi, huquqqoruyıcı organlar, Ukraina halq deputatları, ukrain hakimiyetten tış huquqqoruyıcı teşkilãtlar ve birleşmeler, halqara huquqqoruyıcı teşkilãtlar, BMT(OON) agentliginiñ Halqara teşkilãtları, AB ülkelerniñ temsilciligi, Ukraina ülke-ortaqlarınıñ insan haqları boyunca vekãletliler, Ukraina ülke-ortaqlarınıñ temsilcileri ve diplomatları.

‘ RF-nı öz zulumlığı, arbiy cinayetler, genotsid siyaseti içün mesüliyetlikke çağırmaq oğrunda çalışır ekenmiz, halqara huquq normalarınıñ amelge keçirilme vastalarını işlep çıqaramız. Bu halqara huquq ğalebemizden soñra onlarnen yıl keçtikçe adalet tiklenilmesine hızmet etecektir’,- dedi Ukraina prezidenti Vladimir Zelenskiy.

Bundan da ğayrı, tedbirde QRM temsilcileri, Qırımtatar resurs merkeziniñ reisi, qırımtatar Milliy Meclisi çetel işler ve huquq meseleleri boyunca idaresiniñ başı Eskender Bariyev, QRM meneceri Lüdmila Korotkih ve QRM yuristi Vladimir Lãşenko iştirak ettiler.

Hatırlatamız ki, QRM Ukrainanıñ işğal etilgen territoriyalarında insan haqlarınıñ bozuvlarını resmiy seviyede qayd etip turmaqta ve RF tarafından yapılğan cinayetler haqqında halqara cemaatçılıqnı haberdar etmekte.

Öz faaliyeti devamında QRM tarafından halqara huquqqoruyıcı teşkilãtlarına 94 ariza, şikãyet, esabat teslim etildi.