The Crimean Tatar Resource Center has been operating for more than seven years. During this time, a lot of work has been done at the local, national and international levels. We are directing all our efforts towards the non-violent de-occupation, reintegration and sustainable development of Crimea, as well as the restoration of the territorial integrity of Ukraine.
.jpg)
Cenk başlağanınen biz faaliyetimizni deñiştirmedik, çünki her vaqıt ülkemizniñ mustaqilligi oğrunda küreşe edik. Sadece iş ve ğayretlerimizni quvetleştirdik.
Rusiye Ukrainağa qarşı cenk başlamağance biz işğal etilgen Qırımda insan haqlarınıñ bozulmalarını sistemli şekilde qayd ete edik. 24 fevralden soñra ise sıñırlarımıznı kenişletmek zarurlığını añladıq. Herson ve Zaporojye vilãyetlerinde de insan haqlarınıñ bozuvlarını qayd etmege başladıq. Bu faaliyetmiz pek emiyetlidir, çünki rusiye cinayetlerini resmiyleştirmek ve qabaatlılarnı mesuliyetlikke çağırmalımız.
Şundan da ğayrı, QRM yañı işğal etilgen territoriyalarda insan haqlarınıñ bozuvlarını ve qaçaqlar haqqında malümatnı evelden işlep çıqarılğan sualler cedveli vastasınen qayd etmege devam ete.
RF başlatqan cenk neticesinde onlarnen faal cemaatçı köçmege mecbur oldı. Olar hepisi 2014 senesinden başlap Ukraina territoriyasınıñ bütünligi ve adaletniñ tiklenilmesi oğrunda küreşinde iştirak ete ediler. Ağır vaziyetke baqmadan, bu adamlar ğalebemiz içün küreşmege devam eteler, amma aynı zamanda özleri yardımğa muhtaclar. QRM olarğa qoltutıp, yardım etmege tırıştı. Böyle etip, faal vatandaşlarımıznı küreşmege devam etmek içün ruhlarını kötermege istedik.
Şundan da ğayrı, QRM fikrine köre, böyle ağır zamanlarda ukrain halqınıñ ruhu ve birligini desteklemek pek emiyetlidir. Bu maqsat ile muntazam şekilde informatsıon kampaniyalarnı keçirmege tırışamız.
Cenk devamında 4 informatsıon kampaniyasını keçirip, 2 million adamnı celp etip oldıq. Mezkür kampaniyalar çerçivesinde işğal etilgen Qırımdaki vaziyet, ülkemizniñ medeniy farqlılığı haqqında añlattıq, tamır halqlarnıñ tarihı ile tanış ettik.
Şundan da ğayrı, bu faaliyet çerçivesinde bütün Ukraina boyunca bord kampaniyalarını keçiremiz. Plakatlarımız Kiyev, Lvov, Ternopol, Kropivnitskiy, Çernovtsı, İvano-Frankovsk, Lutsk, Rovno ve diger şeherlerde yerleştirildi.
QRM Qırımda ekosistemasınıñ vaziyetini közetmege devam ete. Yaqında QRM ekspertleriniñ ‘İşğal etilgen Qırımda ekologik- iqlimiy diskriminatsıya: esap ve telükeler’ adlı araştırmanıñ taqdimi olıp keçti.
QRM taqımı dünya tamır halqlar, şu cümleden RF-nıñ tamır halqları ile faal çalışmaqta ve olarnı işğalcı Rusiyeniñ areketlerine qarşı çıqmağa çağıra.
QRM ekspertleri ‘Ukraina tamır halqları haqqında’ Ukraina Qanunı amelge keçirilmesi üzerinde çalışmaqta. 23 avgust künü Ukaina Nazirler Kabineti ‘Ukraina tamır halqı temsil organınıñ huquqiy statusını belgilev ve lãğu etüv tertibi’ adlı qanunnı qabul etti.
Elbette, biz İşğal etilgen Qırım, Herson, Zaporojye vilãyetlerindeki vaziyet haqqında halqara meydanlarda haber etmege devam etemiz.
Şunı hatırlatmaq kerek ki, Ukrainada cenk 2014 senesi, rusiye federatsıyası qanunsız şekilde Qırım MC işğal etkeninden başlandı. 8 yıldan berli biz küreşmege devam etemiz. Ğalebemiz de Ukraina territorial bütünliginiñ tiklenilmesinen yekünlemeli. Qırımda başlandı, Qırımda da bitecek!