On Friday, July 29, at 12:00, at the office of the Representation of the President of Ukraine in the Autonomous Republic of Crimea, a presentation of a study by experts from the Crimean Tatar Resource Center Environmental and climatic discrimination in the occupied Crimea: dimensions and threats will be held.
Spikerler:
Tamila Taşeva- Qırım Muhtar Cumhuriyetinde Ukraina Prezidentiniñ Daimiy Temsilcisi
Eskender Bariyev- Qırımtatar resurs merkeziniñ reisi, qırımtatar Milliy Meclisi çetel işler ve huquq meseleleri boyunca idaresiniñ başı Eskender Bariyev
Yevgeniy Hlobistov- i.i.d, ‘Kiyev-Mogilãn’ akademiyasınıñ Milliy universiteti ekologiya kafedrasınıñ professorı, Ukraina iqtisadiy ilimler Akademiyasınıñ akademigi, QRM Qırım inkişafı ve etraftaki alemni qoruv boyunca ekspert şurasınıñ azası
Svetlana Boyçenko- g.i.d, S.İ.Subbotin adına geofizika İnstitutınıñ üyken ilmiy hadimi, ‘Kiyev-Mogilãn akademiyası’ Milliy universiteti ekologiya kafedrasınıñ professorı, QRM Qırım inkişafı ve etraftaki alemni qoruv boyunca ekspert şurasınıñ azası.
Zemaneviy iqlim deñişmeleriniñ regional hususiyetleri ve etraftaki alem, iqtisadiy faaliyet, ealiniñ sağlığı içün menfiy neticeler bar. Soñ zamanlarda tekrarlanğan anomal tabiat felãketleri(qurğaq, seller ve il.) bunıñ isbatıdır. İnsannıñ mantıqsız faaliyeti ve uyğun olmağan idariy qararları iqlim deñişmesiniñ menfiy neticelerini arttıra.
İşğal etilgen Qırım territoriyasında ekologik- iqlimiy vaziyet olduqça ağırdır:
-tabiat iqlimiy şaraitler ve iqlimniñ menfiy deñişmeleri: ava derecesiniñ anomal yüksek olması, yağmursız devirleri, qurğaqlıq, yağanaq ve il.
-yarımadada ealiniñ çoqlaşması, yani turizm ve militarizatsıya neticesinde suvnıñ çoq qullanılması: tabiat resurslarnıñ qullanılması(yerastı suvları, qoruq ormanlarnı ve deñiz sistemalar);
-tehnogen qazalar ve qurucılıq neticesinde etraftaki alemniñ kirlenmesi(‘Titan’ zavodında qaza, yol ve Keriç köpürniñ qurulması);
– insanlarnıñ temiz etrafına haqqını bozğan huquqıy normalar, işğalcı hakimiyetniñ neticesiz idariy qararları.
Yuqarı añılğanlar insanlarnıñ sağlam ve temiz etrafqa haqqınıñ, hem de ekologik informatsıyağa haqnıñ bozuluvıdır. Bu da ealiniñ iqlim deñişmelerine alışmasını zorlaştırır ve ekologik-iqlimiy diskriminatsıya sayılır.
Araştırma esnasında QRM ekspertleri iqlimniñ deñişmeler hususiyetlerini, tabiat adiselerini, Qırım ealisi içün iqlim komfortliginiñ deñişmesini talil etip, etraftaki tabiatnıñ deñişmelerine eñ hassas olğan territoriyalarnı belgilediler.
Qırım hakimiyetiniñ yarımadada ekologik diskriminatsıyağa yol bergen idariy qararları, qanunları, şundan da ğayrı, Herson vilãyeti içün iqlimiy migratsıyalarnıñ içtimaiy, iqtisadiy, ekologik menfiy tesirleri da talil etildi.
Araştırmanen tafsilãtlı tanış olmaq içün istegenlerni taqdimimizge davet etemiz. Tedbir nevbetteki adres boyunca keçirilecek:
Kiyev ş., Mihail Gruşevskiy soqağı, 24/2
Tedbirde iştirak etmek içün cumaaqşamı künü, saat 9 qadar nevbetteki bağlantı boyunca qayd olunıñız: https://forms.gle/
QHV akkreditatsıyası: https://forms.gle/
Mezkür araştırma Şvetsıya destegi ile ‘Tiklenüv’(‘Vozrojdeniye’) Halqara fondu tarafından kerçekleştirilgen Ukrainada ekologik siyaset ve advokatsıyanıñ inkişafı boyunca Teşebbüs çerçivesinde derc etildi.