The head of the Board of the Crimean Tatar Resource Center, the head of the Department of Legal and Foreign Affairs of Mejlis of the Crimean Tatar people, Eskender Bariiev, in an interview with the Kyiv TV channel, said that the occupiers are conducting covert mobilization in Crimea, but later they will move on to open mobilization.
Eskender Bariyev şunı qayd etti ki, işğalcılar ev-evden yurip, gençlernen subetleşe, añlaşmalar imzalamağa davet eteler. Faqat, 5 iyülde işğal etilgen Qırım başı Sergey Aksönov ‘Qırım Cumhuriyetinde vatandaşlarnı mobilizatsıyası boyunca çağıruv komissiyalar haqqında’ fermannı imzaladı. Mezkür vesiqa çağıruv komissiyalarnı teşkil etüvni ve olarnıñ tınç zamanda ve mobilizatsıya vaqtında vazifelerini belgiley.
‘Qırım Cumhuriyetiniñ sahte arbiy komissarı Yuriy Lımar ealini tınçlandırmağa tırışıp, vesiqa ‘Ukrainada mahsus arbiy operatsıyasınen’ bağlı olmağanını bildirdi. Faqat, olarğa işanç olmaz. Bu komissiyalar yardımınen insanlar haqqında malümat toplap, kelecekte açıq mobilizatsıya keçirmege hazırlanadırlar’,-qayd etti o.
QRM reisi qayd etkeni kibi, esas meselelerden biri, genç qırımlılarnı RF ordusına hızmetke zorlağanlarıdır. Yazıq ki, işğalcılar gençlernen ‘çalışıp’, olarnı hızmetke davet eteler.
‘Şimdilik qırımlılar ailece yarımadadan çıqmağa tırışalar. Türkiye, Kanada ve diger ülkelerge ketip, orduğa hızmetke çağıruvdan qaçınalar. Şundan da ğayrı, davet etilgen gençlerni Ukrainağa qarşı cenktte iştirak etmemege çağıramız.Cenk saflarında can bergence bir-eki yıl azatlıqtan mahrum qalmaq daha yahşıdır.. Şundan da ğayrı, Ukrain saflarına esir olaraq teslim olmaq imkãnı bar’,- añlattı Bariyev.