The Crimean Tatar Resource Center has launched an information board campaign throughout Ukraine dedicated to the Day of the Crimean Tatar flag, which is traditionally celebrated on June 26th.
2014 senesi Rusiye Qırım yarımadasını işğal etkenden berli qırımtatarlar öz mevamları içün qorqunç repressiyalarğa oğratıldı. Böyle şaraitlerde qırımtatar bayrağı tek qırımtatarlar içün degil de, bütün Ukraina içün Qırım oğrunda küreş timsali olıp qaldı.
Bugünde bugün RF Ukraina qarşı cenkleşken şaraitte ukrain ve qırımtatarlar Ukraina territorial bütünligi oğrunda yan-yanaşa küreşmekteler.
Ukraina vatandaşları Qırımtatar bayraq künü haqqında bilgenleri ve bayraqlarımıznıñ tüslerinden ğayrı aynı maqsadımız olğanını añlağanları pek mühim. O maqsat ta- serbest, bütün, mustaqil Ukraina.
Fotolarda Lutsk şehrindeki plakatlarnı köre bilesiz. İleride böyle kibi bordlarnı Ukrainanıñ diger şeherlerinde de körmek mümkün olacaq. ( Ujgorod, Rovnı vilãyeti, Çernovtsı, İvano-Frankovsk, Kirovograd, Fastov, Çerkassı, Barışevka, Brovarı, Vişnovoye, Borispol, Kiyev ve Lvov).
Plakatlar QRM, #LIBERATECRIMEA halqara areketi ve ukrain ressamı Andrey Yermolenko tarafından işlep çıqarıldı.
Qırımtatar Milliy Meclisi, ‘Volın qırımtatarları’ cemaat teşkilãtı, Qırım müsülmanları diniy idaresine informatsıon kampaniyağa destek köstergenleri içün minnetdarmız.