QRM yuristleri işğal etilgen territoriyalarda insan haqlarınıñ bozuvları ve arbiy cinayetlerni resmiy qayd etmek maqsadınen sualler cedvelini tizdiler.
2014 senesinden başlap QRM tarafından işğal etilgen Qırımda insan haqlarınıñ bozuvları resmiy qayd etile edi, Rusiyeniñ Ukrianağa qarşı cenkniñ başlanmasınen ise mezkür faaliyet yañı işğal territoriyalarda devam etile.
Bütün bu vaqıt içerisinde QRM ekspertleri halqara huquqqoruyıcı teşkilãt ve strukturalarına 93 ariza, şikãyet ve esabat teslim ettiler:
– YSPÇ(ЕСПЧ)(25 ariza);
– tamır halqlar haqları haqqında BMT(OON) mahsus maruzacısı (7 vesiqa);
– EMRİP(ЭМРИП) (6 vesiqa);
– BMT(OON) tamır halqlar meseleleri boyunca daimiy forum(6 vesiqa);
– BMT(OON) mahsus protseduralar (20 vesiqa);
– Qadınlarğa dair diskriminatsıyanı yoq etilmesi boyunca Komitet (2 vesiqa);
– BMT(OON) insan haqları boyunca Komitet (2 ariza);
– BMT(OON) insan haqları boyunca Baş komissar idaresi (1 esabat);
– İşkence ya da insannı ıncıtqan, vahşiy munasebetke qarşılıq köstergen Avropa komiteti (7 şikãyet);
– HDIM, ОБСЕ (16 maruza);
– OBSYE diger organları (1 vesiqa).
QRM taqımı çeşit halqara ve ukrain meydanlarda maruzalarnen çıqışta bulunmaqta ve yılnıñ her çeriginde işğal etilgen Qırımda insan haqlarınıñ bozuluvınen bağlı vaziyet boyunca esabat bermekte.
Al-azırda QRM rus askerleri tarafından Ukraina territoriyalarında insan haqlarınıñ bozuluvı ve arbiy cinayetler haqqında malümat toplamaqta. Bu maqsat ile QRM yuristleri RF Ukrainağa qarşı açqan cenkte zarar körgenler içün sual cedvelini hazırladı.
Bütün zarar körgenlerni sualler cedvelini toldurıp, poçta vastasınen yollamağa rica etemiz.
QRM RF cinayetlerni cedvelge almaqnıñ hemiyetini qayd ete, çünki kelecekte milliy ve halqara seviyede mahkeme esnasları içün temel ola bilecek.
Qoşma sualler içün Qırımtatar resurs merkezine muracaat ete bilesiz:
email: ctrc@ctrcenter.org
тел. +38 067 343 74 54
Sualler cedveli Ukrainada Fridrih Naumannıñ azatlıq oğrunda Fondu temsilciliginiñ destegi ile işlep çıqarıldı.