‘Tünevin takbih etilmegeni bugün tekrarlanmaqta’: QRM qırımtatar sürgünliginiñ 78 yıllığı munasebeti ile matbuat konferentsıyasını keçirdi

May 16, 2022

On Monday, May 16, at the Ukrinform news agency, the Crimean Tatar Resource Center held a press conference as part of the #LIBERATECRIMEA information campaign: Impunity breeds lawlessness, dedicated to the 78th anniversary of the genocide of the Crimean Tatar people.

 Spikerler:

Eskender Bariyev- Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı;

Tatyana Podvornãk- QRM kommunikatsıya meneceri;

Lüdmila Korotkih- QRM meneceri;

Matbuat konferentsıyası devamında spikerler ukrain cemiyetine deşetli cinayet-qırımtatar sürgünliginı hatırlattılar. Ekspertler 2022 senesi yüz bergen zemaneviy vaqialarnen – Rusiye Ukrainanı genotsıdke oğratqanınen qıyas ettiler.

‘Bugün biz qırımtatar sürgünliginiñ 78-yıllığını añmaqtamız. Faqat al-azırda hepimiz aynı zamanda ukrain halqı da genotsidke oğratılğanını körmektemiz. Yazıq ki, işğalcılarnıñ usulları aynı qalmaqta: sürgünlik, tutuqlama, şiddet. RF Ukrainanı yoq etmege tırışa’,- qayd etti Eskender Bariyev.

Spikerniñ fikrine köre, öz vaqtında bütün dünya qırımtatarlarnıñ sürgünligini tekbih etseydi, şimdi aynı vaziyet tekrarlanmaz edi. Şu sebepten de, RF öz cinayetleri içün ceza çekecegini bildirmege kerek.

Lüdmila Korotkih qayd etkenine köre, cezasız qalğan cinayetler yañı cinayetlerge yol aça. Al-azırda bütün dünya RF-nıñ deşetli şiddetine şaattır.

 ‘Şunı añlamalımız ki, olıp keçken qorqunçlı vaqialarnıñ sebeplerinden biri şu ki, 2015 senesi açılğan cezalı davağa baqmadan, 1944 senesi qırımtatarlarnıñ sürgünligi Ukraina tamır halqqa qarşı genotsıd olaraq tanılğanı ve mezkür cinayette qabaatlı olğan şahıslarnıñ soyadlar cedvelini bulundırğan mahkeme qararı elimizde hala da olmağanıdır,- añlattı ekspert.

 Tatyana Podvornãk #LIBERATECRIMEA informatsıon kampaniyası çerçivesinde qırımtatar sürgünliginiñ 78 yıllığına hazırlanğan bütün informatsıon malümatlarını taqdim etti. QRM temsilcisi ‘Qırımtatar sürgünliginiñ qurbanlarını añma künü haqqında ne bilesiñ’ testni, plakatlar ve telekanallar içün heşteglerni taqdim etti.

 ‘Biz öz informatsıon kampaniyamıznı  eki tarihiy vaqianıñ qıyası esasında qurmağa istedik: 1944 senesi qırımtatarlarnıñ sürgünligi ve 2022 senesi Rusiyeni Ukrainada cenk başlağanı. Devirler farqlı olsa da, cinayetci aynı qaldı. 1944 senesi cezasız qalğan cinayet tekrarlandı’,- añlattı Tatyana Podvornãk.

#LIBERATECRIMEA informatsıon kampaniyası çerçivesinde  hazırlanılğan plakat ve metinlerni leyding sahifesde –https://www.ctrcenter.org/liberatecrimea/  tapmaq mümkün.