The Crimean Tatar Resource Center calls on the whole world to officially recognize the Russian flag as a nazi symbol and ban it, just as the flag of nazi Germany was banned after the Second World War.
Mezkür teşebbüsimizniñ bir sıra sebepleri bar. Rusiye devleti:
İnsan haqlarını qaba şekilde boza;
Halqara huquqqa riayet etmey;
Ukrain halqını genotsıdke oğrata;
Kütleviy şekilde qatil ete;
Qadınlarğa qarşı şiddet köstere;
Mektep, bala bağçaları, hastahaneler, mesken evler, ticaret merkezleri ve böyle kibi diger içtimaiy muessiselerini mahsus yoq ete;
Qaçaqlarnı qurşunğa tize;
Gumanitar kervanlarını ücüm ete;
Balalarnı qaçıra ve öldüre;
Medeniy miras yadikãrlıqlarını yernen yeksan ete;
8 yıldan berli mustaqil Ukrainanıñ territoriyalarını işğal ete;
Ve bir sıra diger cinayetni işley.
II Cihan cenki zamanında Faşist Almaniya tarafından aynı cinayetler yüz bergen edi. Natsıst temsilleri şiddet, duşmanlıq, nefret çağrışımlarını peyda ete ve gitler rejiminiñ zulumlarını hatırlata. Böyle temsillerniñ numayış etilmesi bir sıra memleketlerde yasaqtır, Almaniyada ise cinaiy dava bile açıla bilir.
Qırımtatar resurs merkeziniñ fikrine köre, bu qadar qorqunç cinayet işlegen Rusiyeniñ temsilleri de yasaq etilmeli. Eñ-evelã da faşist Rusiyeniñ bayrağı diger ülkeler bayraqlarınıñ yanında bulunmamalı.
Şu sebepten de bütün dünyanı rusiye bayrağını faşist olaraq qabul olunmasına çağıramız.