On Tuesday, February 8, in Melitopol, the Crimean Tatar Resource Center presented an exclusive documentary Bring Me Back My Dad!, which tells about the tragedies of children whose dads were imprisoned or forcibly kidnapped after the occupation of Crimea.
Tedbirde film üzerinde çalışqan taqım azaları, deputatlar, cemaatçı, göñülli, jurnalistler ve digerleri bulundılar.
Kommunikatsıya meneceri Tatyana Podvornãk işğalden soñra Qırımda biñlernen faal cemaatçı öz grajdanlıq mevamları içün cezalandırıldı. Al-azırda, QRM malümatlarına köre, 121 adam öz ailelerinden uzaq FSB zindanlarında bulunmaqta. 197 bala babasız ösip büyümege mecbur.
‘Babaları hapiste bulunğan, ya da zorbalıq ile qaçırılğan balalar haqqında film çıqarmağa çoqtan hayal ete edik. Bu mevzu pek mühim, onı hep tanıttırmaq kerek’,- qayd etti QRM meneceri Lüdmila Korotkih.
Şundan da ğayrı, Korotkih qayd etkenine köre, zarar körgen başqa balalar da pek çoq, olar haqqında da çoq film çıqarmaq mümkün edi.
‘15 bala facialı vefat etti, 1 qundaq balası anasından ayırıldı, on biñlernen bala işğal etilgen Qırımda ana tilini ögrenmek haqqından mahrumlar, qıta Ukrainada yüz biñlernen ukrain balası Qırım sanatoriylerinden tedaviylenmek haqqından mahrum qaldırıldı, biñlernen bala mecburen muhacir olıp, vatanlarında yaşamaq haqqından mahrum qaldırıldı’,- dep añlattı o.
Siyasiy mahbüsler ve ailelerine yardım etmek imkãnı haqqında laf yürsetkende, QRM temsilcisi #LIBERATECRIMEA halqara areket tarafından başlattırılğan ‘Deputat, Kreml esirlerine yardım ete!’ kampaniyasını hatırlattı. Mezkür teşebbüs çerçivesinden ukrain ve avropa deputatları rusiye işğalcı hakimiyeti tarafından taqip etilgen ya da tutuqlanğan qırım sakinlerini öz siyasiy imayeleri altına ala bileler.
‘Hiç olmadım bir deputat bir siyasiy mahbüsni imayesi altına alıp, bu sahada sistemli çalışmağa başlaması pek emiyetli. Melitopolde de mahbüsler ve balalarına yardım etecek deputatlar tapılır degen ümüttemiz’,- qayd etti Korotkih.
Zaporojye vilãyet keñeşiniñ deputatı Leylã İbragimova filmniñ mühimligini qayd etti. Onıñ fikrine köre, Ukrainada Qırımda insan haqları bozulğanı, mahbüsler ve ailelerniñ meseleleri, yarımadada kerçek vaziyet haqqında çoqça laf etmek kerek.Yazıq ki, artıq 8 yıl devam etken Qırım işğali haqqında unutmağa da başladılar.
‘QRM-ne, bütün faal cemaatçılarına minnetdarlıq bildiremiz. Olar 21 asırda cemiyetimizde yer alğan meselelerni muzakere etmek vazifesini öz boyunlarına aldılar. Bu sanat, film, leyha sayesinde insanlarğa haqiqatnı köstere bilemiz’,- qayd etti Melitopol yerli keñeşiniñ medeniyet ve gençler idaresiniñ yolbaşçısı Yevgeniya Podlipenko.
