On Thursday, December 9, the Crimean Tatar Resource Center began a week dedicated to protecting human rights in the occupied Crimea and ensuring the collective rights of Crimean Tatars as an indigenous people of Ukraine.
2014 senesi RF qırımtatarlarınıñ Vatanı- Qırımnı ve Ukraina devletiniñ bir qısmını işğal eterek, OON tamır halqlar haqları haqqında Deklaratsıyasınıñ 3 maddesini ve Budapeşt memorandumına binaen öz vazifelerini bozdı. Şu vaqıttan berli RF öz cinayetli areketlerini toqtatmay. 8 yıl devamında RF yarımadada insan haqlarını bozmağa devam ete.
Qırım işğalini qabul etmegen faal cemaatçılar işğalcı tarafından repressiyağa oğratılalar. Yüzlernen adam öz vatandaşlıq mevamı içün zarar kördi ve atta ömrüni qurban etti. Erkeklerden ğayrı qartlar, qadınlar ve balalar bile basqı altına tüşeler. Yarımadada advokatlar, jurnalistler ve huquqqoruyıcılar da basqığa oğratılalar.
Qırımtatar resurs merkezi faaliyetiniñ eñ başından bu sahada ğayret köstermekte: işğal etilgen Qırımda toplu ve şahsiy haqlar bozulmasınıñ monitoringini keçire, insan haqlarını resmi qayd ete ve halqara cemaatçılıqnı işğal etilgen Qırımdaki vaziyet haqqında haberdar ete.
Huquqqoruyıcı hafta ukraina ve halqara cemaatçılıqnı tekrar insan haqları bozuluvı meselesine çeke bile.
Demek ki, QRM huquqqoruyıcı hafta çerçivesinde nevbetteki tedbirler keçirilecegini bildire:
-cumaaqşamı, dekabrniñ 9-ında saat 14 Qırımtatar resurs merkezi Ukrainada ‘Fridrih Naumannıñ serbestlik oğrunda Fondu’ Temsilciliginiñ destegi ile Qırım munaqaşa klubunıñ ‘Qırımnıñ tarihiy tomonimikası: bugüni ve kelecegi’ mevzusında XXII sessiyasını keçirecek;
– Cuma künü, dekabrniñ 10-unda QRM reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev huquqqoruyıcı tedbirde iştirak etip, ‘Devlet siyasetinde farqlılıq medeniyeti. Etnik azlıqlarnıñ ve tamır halqlarnıñ devlet siyasetiniñ şekillenmesinde iştirak etüv imkãnları’ mevzusı boyunca çıqışta bulunacaq.
-cumaertesi künü, dekabrniñ 11-de QRM ‘İşğal etilgen Qırımda 2021 senesi noyabr ayında insan haqlarını bozuvlarınıñ talili’ni taqdim etecek;
-bazar künü, dekabrniñ 12-sinde QRM siyasiy mahbüslerge destek olaraq «#
-bazarertesi künü, dekabrniñ 13-ünde saat 15 QRM ‘Atalıq’ halqara kampaniyası çerçivesinde başlatılğan ‘Deputat, Kreml esirlerine yardım et!’ kapmaniya dinamikasınıñ taqdimine bağışlanacaq onlayn-konferentsıyasını keçirecek;
-çarşenbe künü, dekabrniñ 15-inde saat 16, QRM Lvovda ‘Maña babamnı qaytarıñız!’ Filmniñ taqdimini keçirecek;
-cumaaqşamı künü, dekabrniñ 16-sında Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev İtaliya Senatınıñ Yuqarı palatası ögünde ‘Ukrainağa qarşı Rusiye agressiyasınıñ telükesi, Qırım meselesi ve AK rolü’ mevzusında maruza ile çıqışta bulunacaq ve ‘Deputat, Kreml esirlerine yardım et!’ kampaniyası haqqında añlatacaq.
Tedbirlerimizde iştirak etmege davet etemiz!