Hundreds of children in the occupied Crimea are forced to grow up without their dads, without their support, care and smile. They miss them very much. Unfortunately, many children witnessed searches and detentions. The children of the political prisoner Osman Arifmemetov saw all the horror that left a deep wound. Now they are afraid that the occupants will take their mother too.
‘Men Aliye Nijmedinova, 2020 senesi martnıñ 28-inde tutuqlanğan Osman Arifmemetovnıñ ömür arqadaşı olam. Şimdi de tap o vaqıt fizik küçnen tesir etkenlerini bilem. Yani.. ayaqları, arqasına urdılar, başına da tiydiler ve o, esini coydı. Böyle alda, urıp, ıncıtıp, olarnı mında, FSB binasına alıp ketiridler ve aynı şu künü mahkeme hükmüni çıqardılar’,- añlattı Aliye.
Ailede iki bala bar: Fatima qızçıq 6 yaşında ve Mustafa oğlançıq 3 yaşında. Qızçıq daha bir şeyler hatırlay, amma oğlançıq bir yaşında olğanından aqlında bir şey qalmadı ebet.
‘Balalar Osman işten qaytqan vaqıtnı bile ediler. Olar qapı yanına çapıp, ‘Baba, baba!’,-dep qıçıra ediler. Babası olarnı quçaqlay, bir şeyler ketire edi. Bir yaşında bala bile bunı hep hatırlay, daha eki afta soñra qapı yanına barıp, ‘Baba, Baba’ dey edi ve 15-20 daqqa yanında tura edi. Fatima ise…. bazı ailelerde babalar olmağanını endi bile edi. O, 3 yaşında edi ve biz oña Timur ve Uzeir Abdullayevlerniñ balaları ne içün babasız yaşağanlarını añlatqan edik. İşte, Osmannı alıp ketkende, men de añlatmağa mecbur oldım. Ebet, pek ağladı, sebebini soradı…’,- paylaştı qadın.
Qoranta Osmannı bayağı vaqıttan berli körip olamay. Qadın qızını mahkemege almağa tırışa, amma onı yibermediler. Qız babasını cam artında körse, balanıñ ruhiy bozğunlıqları ola bilir, dediler.
‘Qızım tintüvni körmedi, o, evde degil edi..amma mennen kelip, merdivenden köterilmege başlağanımızda, şu qapını körip, ortalıq perişan olğanını körip toqtadı ve : ‘men anda barmaycam’ dedi, ağlamağa başladı. Şimdi de azbarğa 10-15 daqqağa çıqsam: ‘Seni kimse alıp ketmezmi?’ dep soray. Ya da yatmazdan evel ‘qapını qapattıñmı, men daha bir kere barıp baqayım’, dey’,- qoştı o.
Fatima babasını pek asret çeke, hatırlay. Mustafa ise fotolarnen össe de, yüreginde hep bir babasınıñ sıcaqlığı, diqqatı, sevgisi yaşamaqta.
Keliñiz, balaçıqlarğa yardım eteyik ve babalarını qaytarayıq…Qırımtatar resurs merkeziniñ taqımı eñ yaqın kelecekte her bir bala öz babasına qavuşması içün elinden kelgenini yapmağa tırışa.
Mezkür maqsatqa yetmek içün QRM ‘Babamnı qaytarıñız!’ adlı qısqa vesiqalı filmni çıqarmağa qarar berdi.
Filmde Qırım işğalinden soñra babaları qaçırılğan, ya da hapiske atılğan balalarnıñ taqdir hikãyelerini topladıq. Bazıları babalarınıñ zulumlı tutuqlamalarını öz közlerinen kördiler ve şimdi olarnıñ tek bir arzuları bar: ‘Babamnı qaytarıñız!’
Mezkür film ile ukrain ve halqara cemaatçılıqnıñ diqqatını Qırım siyasiy mahbüsleri ve balalarınıñ meselesine çekmege isteymiz.
Eñ yaqın zamanda filmniñ premyerası olacaq. Haberlerimizni taqip etiñiz.