On Thursday, September 30, the Crimean Tatar Resource Center held a meeting with representatives of the British Embassy in Ukraine. The interlocutors discussed the situation with the violation of human rights in the occupied Crimea, and also discussed mechanisms for ensuring the protection of human rights on the peninsula. In particular, the diplomats were told about the importance of personal sanctions.
Körüşüvde Ukrainada Büyük Britaniya elçiliginiñ temsilcisi Şobhan Rayt, Büyük Britaniya çetel işler nazirliginiñ temsilcisi Dina Berhan, Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev, QRM menecerleri Zarema Bariyeva, Lüdmila Korotkih iştirak ettiler.
‘RF areketleri cinayet sayılır, siyasiy menfaatını taşığan amelleri halqara qanunnı qaba şekilde boza. Sanktsıyalar- RF agressiyası ve devam etken repressiyalarını toqtatmaq içün mühim bir alettir’, – qayd etti Bariyev.
‘Bu künge qadar AB-niñ Qırımğa nisbeten sanktsıyaları işğal etilgen yarımadada insan haqlarınıñ bozulmasına degil de, ukrain suvereniteti ve territorial bütünliginiñ bozulmasına alãqası olğanlarğa qarşı qullanılmaqta.
‘Şunı qayd etmege ister edim ki, cedvellerde Qırımda insan haqlarınıñ bozulmasına doğrudan doğru alãqası olğanlar, yani hakimler, tetqiqçılar, prokurorlar, FSB hadimleri ve digerleri yoq. Şunıñ içün bu cedvel hem miqdar, hem keyfiyet cehetinden tolu sayılmazlar. Insan haqlarını bozğan insanlar ise cezasız qalmaqtalar’,- dep qoştı QRM reisi.
Şunıñ içün QRM ekspertleri işğal etilgen Qırımda insan haqlarını bozğan 166 adamdan ibaret cedvelni işlep çıqardılar. Şundan da ğayrı, siyasiy mahkümleri ve olarnıñ tuvğanları ve faallileriniñ taqibine ait olğan şahıslarnıñ tasnifi taqdim etildi.
1.FSB hadimleri
2.MVD(İç İşler Nazirligi) hadimleri
3. prokuratura hadimleri
4.hakimler5. mahkeme kãtipleri
6. ekspertler/ekimler
8. FSİN hadimleri
9. diger vazifeli şahıslar (nazirlik, MÇS ve dig.)
QRM taqımı elçilikke Qrımda insan haqlarınıñ bozuluvına alãqası olğan 50 adamdan ibaret cedvellerni berip, olarğa qarşı sanktsıyalar kirsetmege çağırdı.
Tasnif ‘Vozrojdeniye’ (‘Tiklenüv’) halqara fondunıñ destegi ile yapıldı. Fikir, hulãsa, tevsiyeler tasnif muelliflerine aittir ve Vozrojdeniye HF-nıñ noqta-i nazarını aks etmey bile. Münderice içün tek QRM mesuliyetlidir.