On Tuesday, September 28, representatives of the Crimean Tatar Resource Center met with political advisers of the European Union Delegation to Ukraine. The interlocutors discussed the facts of human rights violations in the occupied Crimea, as well as the possibility of imposing personal sanctions against those who commit these crimes.
Körüşüvde siyasiy meseleler boyunca mesleatçılar Pavlina Rehor ve Yurki Litmanen, Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev, QRM menecerleri Zarema Bariyeva ve Lüdmila Korotkih iştirak ettiler.
QRM temsilcileri diplomatlarnı işğal etilgen Qırımda insan haqlarınıñ bozulmasınen bağlı vaziyetni,siyasiy mahbüsler, ğayıp ve elãk olğanlar haqqında haberdar etti.
QRM reisi Eskender Bariyev teşkilãt tarafından işlep çıqarılğan işğalcı hakimiyet ile işbirlik yapqan şahıslarğa nisbeten şahsiy sanktsıyalarnı kirsetimesiniñ kerekligine qıymet kesüv usuliyeti haqqında hikãye etti. Onıñ aytqanına köre, işbu usuliyet hem ukrain hakimiyet organları, hem de halqara işdeşlerine sanktsıya siyaseti içün emiyetli alet ola bilir.
‘Bu künge qadar AB-niñ Qırımğa nisbeten sanktsıyaları işğal etilgen yarımadada insan haqlarınıñ bozulmasına degil de, ukrain suvereniteti ve territorial bütünliginiñ bozulmasına alãqası olğanlarğa qarşı qullanılmaqta. Demek ki, hakim, tetqiqçi, prokuror, FSB hadimleri ve silãhlı küçler strukturalarınıñ temsilcileri cezasız qalmaqtalar’,- qayd etti Bariyev.
Şunıñ içün QRM ekspertleri işğal etilgen Qırımda insan haqlarını bozğan 166 adamdan ibaret cedvelni işlep çıqardılar. Şundan da ğayrı, siyasiy mahkümleri ve olarnıñ tuvğanları ve faallileriniñ taqibine ait olğan şahıslarnıñ tasnifi taqdim etildi.
1.FSB hadimleri
2.MVD(İç İşler Nazirligi) hadimleri
3. prokuratura hadimleri
4.hakimler5. mahkeme kãtipleri
6. ekspertler/ekimler
8. FSİN hadimleri
9. diger vazifeli şahıslar (nazirlik, MÇS ve dig.)
QRM taqımı elçilikke Qrımda insan haqlarınıñ bozuluvına alãqası olğan 50 adamdan ibaret cedvellerni berip, olarğa qarşı sanktsıyalar kirsetmege çağırdı.
Tasnif ‘Vozrojdeniye’ (‘Tiklenüv’) halqara fondunıñ destegi ile yapıldı. Fikir, hulãsa, tevsiyeler tasnif muelliflerine aittir ve Vozrojdeniye HF-nıñ noqta-i nazarını aks etmey bile. Münderice içün tek QRM mesuliyetlidir.