MP from the European Solidarity faction, Yana Zinkevych, publicly supported the campaign of activists of the #LIBERATECRIMEA international movement and the Crimean Tatar Resource Center “MP, Help the Prisoners of the Kremlin!” She stated that she took under her patronage two political prisoners: the defendant in the so-called Yalta Hizb ut-Tahrir case Emir-Huseyn Kuku, and also Oleg Prykhodko, who is accused of terrorism.
Halq deputatı Yana Zinkeviç kampaniyanıñ emiyetligini qayd etip, öz işdeşlerini teşebbüske qoşulmağa çağırdı.
Bundan evel, Qırımnı işğalden azat etilmesi ve qırımtatar halqına destek kösterilmesi oğrunda #LIBERATECRIMEA halqara areketi ‘Atalıq’ halqara kampaniyası çerçivesinde ‘Deputat, Kreml mahbüslerine yardım et!’ kampaniyasını başladı ve ukrain memurlarını tutuqlama ve taqipke oğratılğan qırımlılarnı öz siyasiy imayeleri altına almağa çağırdı.
Hatırlatamız ki, Kuku Emir-Usein 2016 senesi 11 fevral künü qırımtatarlarnıñ evlerinde kütleviy şekilde tintüvler keçken vaqıtta tutuqlanıp, RF yasaq etilgen ‘Hizb ut-Tahrir’ teşkilãtında iştirak etkeninde qabaatlandı. O, RF CK 278 maddesi, yani ‘ terroristik teşkilãtınıñ faaliyetini teşkil ve iştirak etüvi’ boyunca mahküm etildi. Soñra da, ‘hakimiyetni zorbalıqnen elge aluv’da da qabaatlandı. 2019 senesi noyabrniñ 12-sinde Rostov-na-Donu Cenübiy arbiy mahkemesi Kuku Emir-Useinni 12 sene müstemleke cezasına mahküm etti.
2019 senesi 9 oktãbrde rusiye silãhlı küçler Oleg Prihodkonıñ evine kirip, onı qaçırdılar. Oktãbrniñ 10-unda evinde tintüv keçirildi ve Olegnı tutuqladılar. Ömürarqadaşı Lübov Prihodko da tutuqlandı. Faal cemaatcını ‘terrorizm’ ve ‘patlayıcı malzeme’ işlep çıqarılmasında qabaatladılar. Qadın ise şaat olaraq tutuqlandı, amma soñra azat etildi. Oleg Prihodko dekabrniñ 10-una qadar tutuqlandı. Soñra Prihodkodan qanunsız şekilde DNK analizleri alındı. Advokat Nazim Şeyhmambetovnıñ fikrine köre, bu sahte vesiqalarnı hazırlamaq içün yapılğan edi. Siyasiy mahbüsniñ ceza müddeti defalarca uzatıldı. Aprel ayında Oleg Prihodko Rostov-na-Donu hapishanesine yerleştirildi.
Martnıñ 3-ünde Rostov-na-Donu arbiy mahkemesi Oleg Prihodkoğa nisbeten hükmüni çıqardı. İşğalcılar onı 5 sene hapis cezasına mahküm ettiler.
#LIBERATECRIMEA halqara areketi ve Qırımtatar resurs merkezi Ukraina halq deputatlarını ‘Deputat, Kreml mahbüslerine yardım et!’ kampaniyasına qoltutmağa çağırdılar.