On Monday, August 9, a round table was held on the International Day of the World’s Indigenous Peoples on the topic: The Law on the Indigenous Peoples of Ukraine as a guarantee of sustainable development of the state. The event was attended by MPs, public and political figures and representatives of the indigenous peoples of Ukraine.
QRM reisi Eskender Bariyev ‘Ukraina tamır halqları: haqlar haqqında deklaratsıyadan başlap Ukraina Qanunına qadar’ mevzusında maruzası ile çıqışta bulundı.
Ekspert tamır halqları meselesiniñ halqara seviyede inkişaf yolunı, ‘Ukraina tamır halqları haqqında’ qanunınıñ qabul etilmesi haqqında ikãye etti.
Bariyevniñ aytqanına köre, qanunnıñ qabul etilmesi mühim adımdır ve böyle imkãnlarnı aça:
-NATO azalığına adım;
-AK azalığına adım;
-‘rus dünyası’ ideologiyanıñ dağılması;
-Qırım deokkupatsıyasına bir adım;
– Ukrainanıñ demokratik avropalı devlet olaraq imiciniñ yükselmesi.
Bariyev qayd etkeni kibi, mezkür qanun sayesinde Ukrainada tamır halq kim olğanı haqqında mesele çezildi. Çünki bir çoqları milliy azğınlıq ve tamır halq añlamları arasında farqını körmeyler.
‘Vatandaşlarımızğa kelecegimizni tek Ukraina temin ete bilecegini numayış etmelimiz. Qanun leyhasında tamır halqlarnıñ qorulması haqqında laf yürsetile. Devlet öz milliy identligini saqlamağa tırışacaq’,- dedi QRM reisi.
Eskender Bariyevniñ qayd etkenine köre, qanunnıñ qabul olunması- soñ netice degil. Bu qanun amelge keçkeni, çalışqanı pek mühimdir. Qanunnıñ her bir maddesi qanunastı aktlarnen tasdıqlanmalı.
‘Bazı nuqsanlarğa baqmadan, Ukraina dünya devletleri içün tamır halqlarnıñ haqlarını qorçalağan devlet olaraq örnek sayıla bilir’,- hülãsa çıqardı tamır halq Meclisiniñ azası.