On Friday, July 2 at 14:00, the Crimean Tatar Resource Center, the Mejlis of the Crimean Tatar people, the Permanent Mission of the Verkhovna Rada to PACE will organize an online side event on the topic: “The introduction of personal sanctions as a mechanism to ensure the protection of human rights in the occupied Crimea”.
2020 senesi 7 dekabr künü Avropa Birliginiñ keñeşi AB insan haqları boyunca sanktsıyalar rejimini qabul etti. Bu qarar ile AB bütün dünyada insan haqlarını bozulmasına mesuliyetli fizik ve yuridik şahıslarğa qarşı sanktsıyalarnı kirsete bile.
Magnitskiy Global qanunı misalinde sanktsıya usulları Kanada, Büyük Britaniya, Baltiya ve Kosovanıñ üç memleketinde kirsetildi. Avstraliya ve Yaponiya öz variantlarını işletmekteler, İtaliya ve Almaniya ise öz devletlerine sanktsıya aletini taqdim etmek içün qanun leyhalarını teklif ettiler.
Şahsiy sanktsıyalar insan haqlarını bozğan şahıslar öz cinayetli areketleri içün mesuliyetli olmağan devletlerde cezasızlıqqa qarşı effektiv aletlerden biri sayılır.
Tedbirniñ maqsadı- Qırımda insan haqlarını bozuv içün mesuliyetli şahıslarğa nisbeten şahsiy sanktsıyalarnı kirsetüv usullarını işlep çıqarmaqtır.
Muzakere içün mevzular:
1. ‘Magnitskiy qanunı’ misalinde qanunlar: amelge keçirüv tecribesi, neticeler.
2. Qırımda insan haqlarınıñ bozulması kontekstinde ‘Magnitskiy qanunı’ misalinde qanunlarnıñ emiyeti: amelge keçirüv usulları ve kelecegi.
3. AB devletler parlamentleri Qırımda insan haqları bozuvları kontekstinde şahsiy sanktsıyalarnı arttırmaq içün qanunlarğa deñişmeler kirsetmege hazırlarmı?
4. Avropa devletlerniñ ulu erbapları ve siyasetçileri işğal etilgen Qırımnıñ mahbüslerini siyasiy imayesi altına almağa hazırlarmı?
Spikerler:
Mariya Mezentseva- Ukraina halq deputatı, PASE yanında daimiy delegatsıyasınıñ yolbaşçısı
Eskender Bariyev- Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı
Jigimantas Pavilonis-Litva Cumhuriyeti Seyma çetel işleri boyunca komitetniñ reisi
Venera Mustafayeva- siyasiy mahbüs Server Mustafayevniñ anası
Nikolay Polozov-yurist
Rustem Umerov-Ukraina halq deputatı
Yevgeniya Kravçuk- Ukraina halq deputatı, AB Parlament assambleyası yanında daimiy delegatsıya reisiniñ muavini, Ukraina halq deputatı
Antonio Stango-professor, insan haqları İtalyan federatsıyasınıñ prezidenti
Moderator: Mariya Mezentseva- Ukraina halq deputatı, PASE yanında daimiy delegatsıyasınıñ yolbaşçısı.
Tedbirde iştirak etmek içün evelden nevbetteki ssılka boyunca qayd olunmaq kerek: https://cutt.ly/mnNPzFp. Ondan soñra elektron qutuñızğa konferentsıya haqqında bilgiler yollanılacaq.
Canlı yayınnı Qırımtatar resurs merkeziniñ Facebook sahifesinde seyir etmege mümkün olacaq. https://www.facebook.com/