On Monday, June 7, activists of the international movement for the de-occupation of Crimea and solidarity with the Crimean Tatar people #LIBERATECRIMEA spoke about the interim results and dynamics of the previously initiated campaign MP, help the prisoners of the Kremlin! It provides for the patronage of Ukrainian parliamentarians over Crimeans who have been arrested or persecuted by the Russian occupants. MPs of Ukraine, relatives of political prisoners and human rights activists also joined the event.
Spikerler:
Eskender Bariyev- Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı;
Vladimir Aryev- ‘Avropa birdemligi’ fraktsıyası halq deputatı;
Solomiya Bobrovskaya- ‘Golos’ fraktsıyası halq deputatı;
Aliye Emiruseinova- siyasiy mabus Rustem Emiruseinovnıñ ömürarqadaşı.
Eskender Bariyev hatırlatqanı kibi, Qırımtatar resurs merkeziniñ bilgilerine köre, Qırım işğalinden berli 231 siyasiy mabus, olardan 158 qırımtatarı belli:
1. 60 adam müstemlekede müddetini keçireler, olardan 36- qırımtatar;
2. 59 adam SİZOda, olardan 44 -qırımtatar;
3. 30 adam sınav müddeti, ya da sıñırlamadalar, olardan 19- qırımtatar;
4. 32 adam taqip etilmekte, olardan 26- qırımtatar;
5. 50 adam azat etildi, olardan 33- qırımtatar.
‘Avropa birdemligi’ firqasınıñ deputatı Vladimir Aryev ‘Deputat, Kreml mabuslarına yardım et!’ kampaniyasınıñ mühimligini qayd etti.
‘Asılında, halqara huquq ve huquqoruyıcı teşkilãtlarınen bağları olğan deputatlar qırımtatar halqını işğalcılarnıñ repressiyalarından qorçalavında bayağı fayda ketirebileler. Menim imayem altında olğan qoranta (Omerov ve İsmailovlar) işğalcılar rusiye hakimiyetine qarşı çıqqan faal qırımtatarlarına nasıl basqı köstergenleriniñ parlaq misalidir’,- añlattı o.
Halq deputatı Solomiya Bobrovskaya işbu kampaniyağa diger deputatlarnı celp etecegini bildirdi.
‘’Golos’ firqasınıñ deputatlarını bu keñiş kampaniyağa faal şekilde davet etmek kerekligini bilem. Bu künge qadar daha yapmağanım bu vazifeni amelge keçirmege söz berem’, – dedi o.
Faal cemaatçı Sergey Parhomenko bu teşebbüsni daha çoq darqatmaq pek mühim olğanını tüşüne ve şunıñ içün de halq deputatlarına nevbetteki teklifnen muracaat ete:
-Yuqarı Şurasınıñ içinde brifing keçirmek, bu teşebbüske endi qoşulğan ve niyetleri olğan deputatlarnı toplamaq ve haber vastalarına bu leyha haqqında añlatmaq. Böyle etip, ukrain ve halqara cemaatçılıqnıñ diqqatını celp etmek mümkün olur.
Siyasiy mabus Rustem Emiruseinovnıñ ömürarqadaşı Aliye Emiruseinova qayd etkeni kibi, bu künge qadar mahkeme toplaşuvlarında aqayınıñ terroristik faaliyetke alãqası olğanına hiç bir delil ketirilmedi. Qabaatlağan taraf ketirgen argumentler ne silãh, patlatıcı malzeme, ne de hakimiyet zaptı ya da devrilüvidir.
‘17 hapis cezasına sebep olğan deliller- tek laflar, diniy ve içtimaiy-siyasiy mevzuda keçirilgen subetlerdir. Yazıq ki, böyle kibi mantıqsız ve aynı zamanda temelsiz, yalan qabaatlavlar aqılğa sığmağan ceza müddetlerge sebep ola’,- qayd etti o.
‘Siyasiy mabuslarğa destek degende, maddiy yardımnı közde tutmaymız. Eñ-evelã siyasiy imayeni közde tutamız ki, siyasetçilerniñ diqqatı ve imayesi altında vatandaşlarımız hiç olmağanda işkenceden qurtulabilir’,- hulãsa çıqardı Eskender Bariyev.
Hatırlatamız ki, Qırım deookupatsıyası oğrunda Halqara areket ve #LIBERATECRIMEA qırımtatar halqına qoltutqan areket ‘Atalıq’ halqara kampaniyası çerçivesinde ‘Deputat, Kreml mabuslarına yardım et’ kampaniyasını başlattı ve ukrain memurlarını rusye işğalcıları tarafından taqip etilgen qırım sakinlerini öz imayeleri altına almağa çağırdı.
24 fevral künü, ‘Qırım platforması: Qırım deokkupatsıya yolu’ adlı tögerek masa ketişatında ‘Golos’(‘Ses’) fraktsıyasınıñ deputatı Solomiya Bobrovskaya mezkür kampaniyağa qoltutıp, Refat Alimov ve Galina Dovgopolaya mabuslarını öz imayesi altına aldı.
10 mart künü halq deputatı Vladimir Aryev de mezkür kompaniyağa qoltutıp, 3 mabus-Rustem İsmailov, Enver Omerov ve Riza Omerovnı öz imayesi altına aldı.