On Thursday, May 20 at 16:00, experts of the Crimean Tatar Resource Center in an online format presented the results of monitoring of the water resources of Crimea based on satellite imagery for the period from November 2020 to April 2021. According to the organization, there is a reduction in the water surface of almost all water bodies in on average of 33%.
Tedbirniñ spikerleri:
Eskender Bariyev- Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı.
QRM-niñ Qırım inkişafı ve etraftaki alemni qoruv boyunca ekspert keñeşiniñ azaları:
Tatyana Kuçma- agroekologiya ve tabiatqullanuv institutınıñ baş ilmiy hadimi;
Yevgeniy Hlobıstov- Kiyev-Mogilãn akademiyasınıñ ekologiya kafedrasınıñ professorı, Ukraina iqtisadiy ilimler Akademiyasınıñ akademigi.
Tatyana Kuçma qayd etkenine köre, araştırma Sentinel-1 Avropa kosmik agentlikniñ sputnik çekimleri esasında yapılğan. Radar sputnik çekimler mesafeli zond ile teşkerüvniñ faal usullarınıñ bir sayılır.
‘Qırım yarımadası sıñırlarında suv havuzlarınıñ talili neticesinde Sentinel-1 sputnik radiolokal bilgilerine köre, bütün suv havuzlarınıñ üstleri orta esapnen 33% eksilmesi qayd etildi’,- dedi ekspert Yevgeniy Hlobıstov.
Şundan da ğayrı, 6 – Frontovoye, Partizanskoye, Aqmescit, Zagorskoye, Tayganskoye ve Mejgorskoye suv anbarlarnıñ suv üstleri 40%-dan ziyade eksilgen.
Ekspertlerniñ hulãsalarına köre, Qırım yarımadasınıñ aman-aman bütün iri suv havuzlarınıñ üst meydanlıqları 2013 senesine baqqanda eksilmekte.
‘Qırımda soñ derece suv yetmegeni içün, işğalcı hakimiyet kurort devrinde millionlarnen turist beklegenini bildire. Yazıq ki, Qırımnıñ militarizatsıyası devam etkenini köremiz, bir çoq arbiy tehnika ve ordular toplana. Aynı zamanda Qırımnı RF sakinlerinen toldurılmasını köremiz. Bunıñ soñu ne olacaq? Bilmeymiz. Amma böyle kibi araştırmalarnen, eñ-evelã halqara cemaatçılıqnı Qırımda olıp keçkenler haqqında tenbilemege tırışamız’,- dedi Bariyev.