On Thursday, May 13, the Crimean Tatar Resource Center presented a classification of persons responsible for human rights violations in the occupied Crimea. On the basis of this classification, experts formed sanctions lists, which included 166 people.
Spikerler:
Eskender Bariyev- Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı;
Lüdmila Korotkih- Qırımtatar resurs merkeziniñ meneceri;
Matbuat-konferentsıya devamında Eskender Bariyev RF areketleri cinayet sayılğanı ve halqara qanunnı bozğanını qayd etti. Al-azırda Avropa Birligi 95 adam ve 23 yuridik şahısqa nisbeten sanktsıyalarnı kirsetti. Büyük Britaniya maliye sanktsıyalar cedveline ‘Rusiye’ boyunca 180 adam ve 48 yuridik şahıs kirsetti.
‘Bu künge qadar AK-niñ Qırımğa nisbeten sanktsıyaları ukrain suvereniteti ve territorial bütünliginiñ bozuluvına alãqası olğanğa nisbeten işletile, işğal etilgen yarımadada insan haqlarını bozğanlar ise, yani mahkemeciler, prokuror, FSB hadimleri, silãlı küçler temsilcileri cezasız qalmaqtalar,’- dedi o.
Lüdmila Korotkih dünyada insan haqlarını bozuvı içün sanktsıya işletme tecribesini talil etti. Böyle etip, AQŞ ‘Global Magnitsky’ sanktsion programma boyunca 131 fizik şahıs ve 117 yuridik şahısqa nisbeten sanktsıyalar kirsetildi. Büyük Britaniyada ‘2020 senesi insan haqları global sanktsıyaları haqqında Maddeler’ sanktsıon rejimine binaen 72 fizik ve 6 yuridik şahısqa nisbeten sanktsıyalar kirsetildi. Kanadada 70 fizik şahısqa nisbeten, Avropa Birliginde 15 fizik ve 4 yuridik şahısqa nisbeten sanktsıyalar kirsetildi.
Şimdiki zamanğa QRM ekspertleri işğal etilgen Qırımda insan haqlarını bozğan 166 adamdan ibaret cedvel azırladılar. Şundan da ğayrı, siyasiy mabuslar, olarnıñ tuvğanları ve faal cemaatcılarnı taqip etken şahıslarnıñ tasnifi taqdim etildi.
1. FSB hadimleri(60)
2. MVD hadimleri(10 adam)
3. Prokuratuta hadimleri(21 adam)
4. Mahkemeciler(28 adam)
5. Mahkeme kãtipleri(23 adam)
6. Ekspertler, ekimler(15 adam)
7. FSİN hadimleri(5 adam)
8. Advokatlar(2 adam)
9. Diger vazifeli şahıslar(nazirlik, MÇS ve dig.) (2 adam)
Mezkür tasnif esasında QRM ekspertleri saytta her vaqıt çalışacaq ve Qırım siayasiy mabusları, olarnıñ tuvğanları, faal cemaatcılarını taqip etmekte alãqası olğan şahıslarnıñ aktual cedvelini daima aks etecek diagrammanı işlep çıqardılar.
Tasnif VF ‘Vozrojdeniye’(‘Tiklenüv’) yardımı ile işlep çıqarıldı. Fikir, hulãsa ve teklifler tasnif muelliflerine ait ve MF ‘Tiklenüv’niñ noqta-i nazarını aks etmeybile. Mündericesi içün tek Qırımtatar resurs merkezi mesüliyetlidir.