On Tuesday, February 16, representatives of the Crimean Tatar Resource Center met with the Deputy Ambassador of the Czech Republic to Ukraine Jiří Preclík and the Third Secretary (Political Department) Jakub Lewandowski. The diplomats were presented with the album Hostages of Occupation, told about human rights violations in the occupied Crimea, and also presented the methodology developed by the CTRC for assessing the feasibility of introducing personal sanctions against persons who cooperate with the occupation authorities. In addition, the parties agreed to jointly hold a number of events in the Czech Republic.
Körüşüvde Ukrainada Çehiya Cumhuriyeti elçisiniñ muavini İrji Pretslik ve Üçünci kâtib (siyasiy bölüg) Yakub Levandovskiy, Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ uquqiy meseleleri ve tış işleri idaresiniñ başlığı Eskender Bariyev, QMM meneceri Zarema Bariyeva iştirak ettiler/
Qırımtatar Maaliy Merkeziniñ vekilleri diplomatlarnı işğal etilgen Qırımda yüz bergen insan aqlarınıñ bozuluvınen tanış ettiler, işğal deviri devamında yaqalanğan, coyulğan ve elâk olğanlar aqqında haber ettiler. Teşkilât tarafından işlengen "Qırım işğaliniñ qurbanları" adlı çağırılğan diagrammalar taqdim etildi. Olarnı 4 tilde daimiy şekilde teşkilâtnıñ saytında açıp körmek mümkün ve olar Qırımnı işğal etilgen deviri boyunca yaqalanğan, coyulğan ve elâk olğan insanlarnıñ aktual miqdarını aks eteler.
Diplomatlarğa ealiniñ deñiştirilmesi ve uquqsız arbiy talimatlarnıñ aqqında haber ettiler.
QMM-niñ meneceri Zarema Bariyeva qırımtatar tilindeki "İnsan aqlarınıñ umumiy beyannamesini" taqdim etkende, qırımtatar yuridik tiliniñ saqlanması ve inkişaf etilmesiniñ kerekligini ve tamır halqları tilleriniñ on yıllığı arfesinde bir sıra halqara vesiqalarnıñ qırımtatar tiline tercime etmesiniñ müimligini qayd etti.
QMM elçilikniñ hadimlerine Qırım işğalniñ reineleri olğan 20 qırımtatar: 10-içeride avuştırılğan, 10 qoranta-yarımadada qalğan qorantalarnıñ ömürleri aqqında ikâye etken "İşğalniñ reineleri" adındaki albomnı taqdim etti. Bundan da ğayrı Qırımtatar Maaliy Merkezi tarafından azırlanğan işğal devamında Qırımda yaqalanğanlar, coyulğanlar, elâk olğanlar aqqındaki, "Menim babam-qaraman!" kibi bükletler berildi.
QMM idaresiniñ yolbaşçısı Eskender Bariyev teşkilât tarafından işlenilip çıqarılğan işğal akimiyetinen işbirlik tutqan şahıslar içün personal sanktsiyalar ne derece maqsatqa muvafıq olğanına qıymet kesüv usullarınen tanış etti. Şu usullar em ukrain üküminiñ devlet organları em de halqara ortaqlarınıñ sanktsion siyasetleri içün müim bir alet olmaq mümkündir, dep qayd etti o.
QMM-niñ meneceri Zarema Bariyeva diplomatlarnı Qırımtatar resurs merkezi ve "Mir i Ko" Hayriye fondu yardımınen azırlanğan vesiqalı eksklüziv "Qırım. Suvsuzlaştıruv" adlı filmnen tanış etti. Film zemanemizniñ eñ aktual mevzularından birini , yani yarımadada suv qıtlığı mevzusını kötere ve rusiye akimiyeti tarafından suv resurslarına tutumsız, ratsionalsız yanaşuvını açıqlay. Çehiya elçisi ve elçilikniñ hadimlerini şu filmniñ 23-fevralde keçirilecek ingliz tilindeki versiyasınıñ onlayn-prezentatsiyasına davet ettiler.
Koronavirus hastalığınıñ pandemiyasını köz ögüne alaraq, bir qaç tedbirniñ onlayn formatta işbirlikte keçirilüvi aqqında keliştiler. Olarnıñ çerçivesinde QMM Çehiya deputatlarını işğal etilgen Qırımdaki vaziyetnen tafsilâtlıca tanış etmege, yani siyasiy mabüslar aqqında toluca malümat berip "İşğalniñ reineleri" ve "Qırımtatarları" sergilerniñ ekspozitsiyalarını keçirmege ve yarımadadaki vaziyet aqqında bir qaç informatsion roliklerni taqdim etmege azırlıq kösterdi.
QMM-niñ vekilleri ilerideki işbirlik içün bir sıra tekliflerini seslendirdiler:
– Qırımnıñ siyasiy mabüsları ve olarnıñ qorantalarına siyasiy ceetten qol tutmağa çağırğan "Atalıq" halqara areketini yerine ketirmek
– işğal etilgen Qırımda insan aqlarınıñ bozuluvı içün mesülietli olğan şahıslarğa binayen şahsiy sanktsiyalarnıñ kirsetilüvini köz ögünde tutqan "Akt Magnitskogo" qanunı analogınıñ Çehiyada qabul etilüvi. Bu teşebbüs, Avropa Birliginiñ Ukrainanıñ assotsiatsiya aqqındaki Muqaveleniñ yerine ketirüvi aqqındaki qararında AB tış diplomatiyanıñ Avropa hızmetini qısqa müddet içinde insan aqlarına nisbeten global sanktsiyalarnıñ rejimini (Magnitskiyniñ qanunı kibi) kirsetmege çağırğan vaqıtında çoq aktual olaraq qaladır.
-Çehiya Parlamenti tarafından qırımtatar halqınıñ deportatsiyasını genotsid aktı kibi tanımasında yardımcı olmaq.
Qırımtatar Maaliy Merkeziniñ vekilleri qırımtatar halqınıñ deportatsiyasını genotsid aktı kibi tanıması içün vesiqalar paketni azırladılar. Mında kirdi:
-Qırımtatar halqı Meclisiniñ bütün BMT iştirakçı memleketleriniñ parlamentlerine muracaatı,
-Qırımtatar Maaliy Merkeziniñ Çehiya parlamentiniñ spikerine muracaatı,
-Ukrainanıñ Yuqarı Şurasınıñ "qırımtatar halqınıñ genotsidı" aqqındaki qararınıñ kopiyası,
– Ukraina Yuqarı Şurasınıñ "UYUR BMT, Avropa Parlamentine, YEŞPA, AHİT PA, NATO PA, ÖÇES PA-tine, dünya memleketleriniñ ükümet ve parlamentlerine qırımtatar halqınıñ genotsidi qurbanlarınıñ hatrılarını ürmet etmesi aqqında ve Rusiye Federatsiyasını , qırımtatar halqınıñ aq ve ürriyetlerini bozğan tecavuz devleti olaraq , takbih etüvi" qararı
-"Qırımtatar halqı deportatsiyasınıñ 75 yıllığı hatırasına ve Qırımnıñ uququsız işğalini tanımamaq siyasetine qoltutuv" Latviya Cumhuriyeti Seyminiñ bildirüvi,
-"Sovet Devleti tarafından qırımtatar halqınıñ ğayıp etüvini genotsid aktı olaraq tanımaq" aqqında Litva Cumhuriyeti Seyminiñ bildirüvi,
-Qırımtatar halqınıñ deportatsiyası tamır halqqa qarşı cinayetlik kibi yuridik kvalifikatsiyası,
Diplomatlar, öz nevbetinde, daima Ukraina bütünligi ve suverinitetine qoltutqanları aqqında hatırlattılar, ve Çehiya iç bir vaqıt qanunsız Qırım işğalini tanımaycağını qayd ettiler. Bundan da ğayrı, taraflar Çehiyada bir qaç tedbirniñ işbirlikte keçirecekleri aqqında keliştiler.
"İşğalniñ reineleri" adındaki albom Ukrainada AQŞ elçiliginiñ demokratiyağa qoltutuv Fondunıñ yardımınen azırlanğan edi.