Well-known Russian media began to actively respond to the methodology developed by the Crimean Tatar Resource Center for assessing the feasibility of introducing personal sanctions against persons who cooperate with the occupation authorities. The occupants devoted a number of large articles to this topic on their resources, in which they did not forget to twist the information and compose new stories about the activities of the organization.
Bu mevzuğa işğalciler öz resurslarında bir sıra maqalelerni bağışladılar ve malümatnı özcesine çevirip, merkezniñ faaliyeti aqqında yañı masallarnı uydurmağa unutmadılar.
Prezentatsiyağa nevbetteki belli rusiye KİVleri seslendi:
• "Argumentı i Faktı" – "Kollaborant, 86 ballov". "Ukrainada Qırım sakinleri içün yañı qabaat cedvelini uydurdılar".
• "Crimea.sm.news" – "Ukrainada "kollaboratsionizm derecesine binayen" saylap ayırıluvını taqdim ettiler".
• "Novorossiya" – "Ukrainada Qırım sakinlerini "kollaboratsiya" derecesine köre ayırmağa isteyler".
• "Gorodsköy portal" – "Kollaborant, 86 ballov" . "Ukrainada Qırım sakinleri içün yañı qabaat cedvelini uydurdılar".
• "Pikabu" – " "Ukrainada Qırım sakinleri içün yañı qabaat cedvelini uydurdılar".
• "Svobodnaya pressa" – Kiyevniñ "Arzusı": Qırımnı "kollaboratsionizm" içün cevap bermege mecbur etmek
Maqalelerniñ serlevalarından bile işğal medialarnıñ Qırımtatar Maaliy Merkeziniñ usulları aqqında menfiy şekilde seslengenleri añlaşıla.
Bundan da ğayrı, işğal akimiyetinen işbirlik tutqan şahıslar içün personal sanktsiyalar ne derece maqsatqa muvafıq olğanına qıymet kesüv usullarına işğal etilgen Qırımnıñ eks-prokurorı Natalya Poklonskaya da seslenmege yetiştirdi, onıñ faaliyetine ekspertler, misal içün, 86 ball qadar qıymet kestiler
"İnsanlarnı satqınlıq derecesine köre ayırmağa uydurıp çıqarğan "aqıllılar" özlerinden -"sadıqlardan" başlasınlar. Eger satqınlarnı tapmağa pek isteseler, küzgüge özlerine baqsınlar. Eger olar işni Qırımda uydurılğan insanlarnıñ üstüne yazıp, Ukrainada işğalden azap çekkenleri içün para almağa mümkün olacaq belleseler, olar çoq yañılalar. Olarnıñ özleri satqınlar. Olarnıñ usulları Qırımda yaşağanlarğa nisbeten açuv ve nefret siñirgen ve maiyetine köre manasız bir uydurma, insanlar arasında boş ve aqılsız alda duşmanlıq ve bozğunlıqnı doğurğan vasta", – dep bildirdi o "RİA novosti" tefsirinde.
QMM işlep çıqarğan usullarına seslenmekten rusiye tarafnı tutqan ukrainalı media ve ekspertleri, blogerleri de çette qalmadılar. Hususan, ukrainalı "KLYMENKO TIME" matbuatı, usullarnı tasvir eterek, "QMM-nde qara cedveller Qırım sakinleri içün endi çoqtan tizilgen ve şimdi ise olarnı legalizatsiya etmek içün vastalar qıdırıla. Ve endi yaqın vaqıtlarda Qırım sakinleri içün filtratsion lagerlerni meydanğa ketirmek fikiri peyda olsa, iç kimse taaciplenmez bile".
Bundan ğayrı, zaten ne içün Kiyevde "nezaret altında olmağan territoriyalarğa, olar kene nazaret altına keçken soñ ne yapılacaqları aqqındaki mevzunı ardı-sıra muzakere etip turalar, bunen birge şu topraqlarnıñ tez vaqıtta qaytacaqlarınıñ perspektivaları tek nazariye şekilinde bulunmaqtalar", – dep yazdı Ukraina "Politika stranı" telegramm-kanalı.
Mında, elbet,enqastan içtimaiy ağlarda olsa da, uquq qorçalayıcılar bozğunlıq doğurtmaqnıñ qıymetini kesmek mümkünler. Lâkin ekinci taraftan, bu ayırıluvlarnıñ dalğasında qırımtatarlarınıñ özleri aqqında da, tesadufen ve beklenilmeden, dünya yüzüne çoq dülber olmağan tarihiy faktlar çıqmaq mümkün – mında em ayırı liderlerniñ RF ükümetine çalışqanları, em 2014 senesinden soñ kütleviy alda rus pasportlarnıñ aluvı, em de Ulu Vatan cenki vaqıtındakileri, hususan, eger bu faktlarğa, kollaboratsiya kriteriylerge esaslanıp, qıymet kesilse. Muqaddes İnkvizitsiyağa muqaddeslik gradusını tüşürmege teklif etem, çünki köz aqlarını qamaştıra", – dep beyan etti rusiye tarafdarı siyasiy analitik Yelena Dyaçenko
Ve eñ soñundan… Rusiye tarafını çekken bloger, evel ukrain jurnalisti Anatoliy Şariy de şu metodikanı muzakere etmek fırsatnı qaçırmadı ve öz populâr YouTube-kanalında şu mevzuğa ayırı yayın bağışladı. Tek añlaşılmay, ne kerek edi şu "aqılsız" faallerniñ areketlerini 2,5 millionlıq auditoriyanıñ ögünde muzakere etmege? Ne içün bütün rusiye tarafdarlığını köstergen media, siyasetçiler, ekspertler şu "kereksiz, faydasız" metodikağa öz diqqatlarını celp ettiler?
Hatırlatamız ki, Fevralniñ 3-de Qırımtatar Maaliy Merkezi "Kollaborantlarnıñ faaliyetlerine ve sanktsiyalar siyasetine qıymet kesüvi boyunca zemaneviy usullar" adlı press-коnferentsiyanı keçirdi.