The defendant in the so-called Bakhchisaray Hizb ut-Tahrir case Marlen Asanov is kept in a special block of the Russian remand prison in Rostov-on-Don under 24-hour video surveillance. The Crimean Tatar Resource Center was informed about this by his wife Aishe Asanova.
''Aqayımnı kene başqa taqiqat izolâtorına avuştırğanlar. Endi üçüncisi, bundan evel o, 1-nci tevqifhanede bulundı, soñra ise 5-ncisine avuştırılğan edi, çünki ükümleri çıqarılğan şahıslarnıñ 1-nci tevqifhanede bulunmağa aqları yoq eken. Endi ise 5-nci tevqifhaneden Novoçerkassk şeerindeki 3-nci tevqifhanege avuştırıldı. Ayşe hanımnıñ aytqanına köre, ömür arqadaşını mahsus bölükke yerleştirgenler. Anda o bir özü daimiy videonezaret altında buluna'', – deq bildirdi Ayşe Asanova.
Ayşe hanım, bu köçürüvler pek ağır olğanını, amma siyasiy mabus iç bir şeyge şikâyet etmeyip, sınavlardan lâyıq şekilde keçkenini qayd etti.
Hatırlatamız ki, 2017 senesi oktâbrniñ 11-de Bahçisarayda işğalciler Marlen Asanov, Server Zekiryayev, Memet Belâlov, Seyran Saliyev, Ernes Ametov ve Timur İbragimovnıñ evlerinde kütleviy tintüvler keçirdiler. Tintüvlerden soñ olarnıñ episi yaqalandı. Olarnı Rusiye Ceza qanunnamesiniñ 205.5 maddesine köre, Rusiyede yasaq etilgen teşkilâtında iştirak etkenlerinde qabaatladılar.
2018 senesi qural aynıñ 21-de işğal etilgen Qırımda Rusiye quvetçileri "Qırım birdemligi" birleşmesi faalleriniñ evlerinde tintüvler keçirip, Server Mustafayev ve Edem Smailovnı yaqaladılar. Olarnı da Rusiyede yasaq etilgen "Hizb ut-Tahrir" teşkilâtında iştirak etkenlerinde qabaatladılar.
2019 senesi kiçik ayda Bahçisaraydaki ekinci "Hizb ut-Tahrir davasınıñ" 8 mabüsi – Marlen Asanov, Server Zekiryayev, Memet Belâlov, Seyran Saliyev, Ernes Ametov, Timur İbragimov, Edem Smailov ve Server Mustafayevge qarşı Rusiye Ceza qanunnamesiniñ 278 maddesi boyunca (quvet yolınen akimiyetni elge keçirüv) cinaiy davanı açtılar.
Saban ayınıñ 5-de Bahçisaraydaki ekinci "Hizb ut-Tahrir davasınıñ" eki mabüsi – Timur İbragimov ve Memet Belâlovğa qarşı qabaatlavlarnı Rusiye Ceza qanunnamesiniñ 205.5 maddesi ekinci qısmından ("terrorist teşkilâtında iştirak etmesi") birinci qısmına ("terrorist teşkilâtı faaliteniñ teşkil etmesi") deñiştirip quvetleştirdiler.
Berim ayınıñ 16-da Cenübiy okrugınıñ arbiy mahkemesi Bahçisaraydaki «Hizb ut-Tahrir» davasınıñ iştirakçilerine ükümler çıqardı. Suleyman Asanov qattı tertipli koloniyada 19 yılğa, Memet Belâlov 18 yılğa, Timur İbragimov 17 yılğa, Seyran Saliyev 16 yılğa, Server Mustafayev 14 yılğa, Server Zekeryayev 13 yılğa, Edem Smayilov 13 yılğa azatlıqtan marum etildi. Ernes Ametov qabaatsız tanılıp, mahkeme salonında azat etildi.