Relatives of the defendants in the so-called Hizb ut-Tahrir case, who will soon be sentenced to a term of tens of years, go out to single pickets. They demand the release of political prisoners and to stop state terror. This was reported by the Crimean Solidarity public association.
Cuma künü, ilk qış ayınıñ 25-de Aqmescitteki Kamenka qasabasında ''Hizb ut-Tahrir davası'' iştirakçileriniñ aqrabası Fatma İsmailova bir kişilik piketke çıqtı. Bazar künü, ilk qış ayınıñ 27-de, Aqmescitniñ merkezinde siyasiy mabus Ayder Caparovnıñ apayı Habiba da qanunsız alda maküm etilgenlerge qol tutmağa istedi. Canköy rayonınıñ Qalay qasabasında ''dava'' iştirakçisi Riza Omerovnıñ ömür arqadaşı Sevilâ Omerova aqayınıñ azat etilmesini talap etti.
Hatırlatamız ki, ilk yaz ayınıñ 10-da Rusiye quvetçileri Aluşta, Qarasuvbazar ve Aqmescit şeerlerinde yaşağan qırımtatarlarnıñ evlerinde kütleviy tintüvler keçirdi. Neticede Rusiyede yasaq etilgen "Hizb ut-Tahrir'' teşkilâtında iştirak etkenlerinde qabaatlanğan 8 kişi yaqalandı. İlk yaz ayınıñ 10-da ve 11-de Aqmescitteki Kiyev rayon "mahkemesi" Riza Omerov, Enver Omerov, Ayder Cepparov, Eskender Suleymanov, Ruslan Nagayev, Eldar Kantimirov, Ruslan Mensutov ve Lenur Halilovnı arman ayınıñ 5-ce apiske aldı. Soñra olarnıñ apis müddetleri defalarca uzatılğan edi. İlk qış aynıñ 23-de Rostov-na-Donudaki Cenübiy arbiy bölük makemesiniñ oturışında Qarasuvbazar “Hizb ut-Tahrir” davasınıñ üç figurantı içün prokuror 13-ten 19 yılğa qadar azatlıqtan marum etüvini istedi.