On Wednesday, December 23, the so-called state prosecution requested for the defendants in the so-called Hizb ut-Tahrir case Enver Omerov, Riza Omerov and Ayder Dzhepparov terms from 13 to 19 years in strict regime colonies.
''Enver Omerov içün ''devlet qabaatlavı'' sert rejimli koloniyada qalmasınen 19 yıllıq apis cezasını talap ete, olardan 3 yıl apishanede yatmasını ve azat etilgen soñ 1 yıl 9 ay devamında serbestliginiñ sıñırlanmasını istey. Onıñ oğlu Omerov Riza içün sert rejimli koloniyada qalmasınen 13 yıl, olardan 3 yıl apishanede yatmasını, azat etilgen soñ ise 6 ay devamında serbestliginiñ sıñırlanmasını istey. Cepparov Ayder içün – sert rejimli koloniyada qalmasınen 18 yıl, olardan 3 yıl apishanede yatması, azat etilgen soñ ise 1 yıl ve 2 ay devamında serbestliginiñ sıñırlanması talap etildi'', – dep haber ete ''Qırım birdemligi'' cemaat birliginiñ faalleri.
Hatırlatamız ki, ilk yaz ayınıñ 10-da Rusiye quvetçileri Aluşta, Qarasuvbazar ve Aqmescit şeerlerinde yaşağan qırımtatarlarnıñ evlerinde kütleviy tintüvler keçirdi. Neticede Rusiyede yasaq etilgen "Hizb ut-Tahrir'' teşkilâtında iştirak etkenlerinde qabaatlanğan 8 kişi yaqalandı. İlk yaz ayınıñ 10-da ve 11-de Aqmescitteki Kiyev rayon "mahkemesi" Riza Omerov, Enver Omerov, Ayder Cepparov, Eskender Suleymanov, Ruslan Nagayev, Eldar Kantimirov, Ruslan Mensutov ve Lenur Halilovnı arman ayınıñ 5-ce apiske aldı. Soñra olarnıñ apis müddetleri defalarca uzatılğan edi.