On Monday, December 21, activists of the international movement for the de-occupation of Crimea and solidarity with the Crimean Tatar people #LIBERATECRIMEA spoke about the interim results and dynamics of the previously initiated campaign “MP, help the prisoners of the Kremlin!” It provides for the patronage of Ukrainian parliamentarians over Crimeans who have been arrested or persecuted by the Russian invaders. MPs of Ukraine, relatives of political prisoners, human rights activists and the Ukrainian Parliamentary Commissioner for Human Rights also joined the event.
Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası Eskender Bariyev, Qırımtatar Maaliy Merkeziniñ malümatına köre, al-azırda cinaiy davalar çerçivesinde 218 siyasiy mabus taqip etilgenini, olardan 150 – tamır qırımtatar halqınıñ vekilleri olğanını hatırlattı:
- 55 kişiniñ ükümleri çıqarıldı, olar koloniyalarda cezalarını çekeler, olardan 33 – qırımtatarlardır;
- 59 kişi taqiqiy izolâtorlarda tutula, olardan 43 kişi – qırımtatarlardır;
- 29 kişiniñ serbestligi sıñırlı, olardan 20 – tamır halqnıñ vekilleridir.
- 29 kişi taqip etile, olardan 23 – qırımtatarlardır;
- 46 kişi azat etildi, olardan 31 – qırımtatarlardır.
Qırımtatar Maaliy Merkeziniñ başlığınıñ aytqanına köre, #LIBERATECRIMEA faalcileri Ukraina halq deputatlarına muracaat etip, ilk qış ayınıñ 20-nece bir-de-bir Kreml mabusına atalıq yapacaqlarını halq ögünde ilân etmege çağırdılar. Leyhanıñ birinci 10 künü devamında çağıruvğa deputatlardan İrina Vereşçuk (''Halq hızmetçisi''), İvanna Klimpuş-Tsintsadze (''Avropa Birdemligi''), Rustem Umerov (''Ses''), Mustafa Cemilev (''Avropa Birdemligi''), Vladimir Aryev (''Avropa Birdemligi'') seslendiler.
Eskender Bariyev, leyhanıñ neticelerine ve ilerilemesine bağışlanğan nevbetteki konferentsiya 2021 senesi kiçik aynıñ 10-da keçirilecegini haber etti.
Ukraina Yuqarı şurasınıñ insan aqları boyunca Vekâletlisi Lüdmila Denisova işbu teşebbüske ve leyhağa qol tutqanını qayd etti.
O, Rusiye insan aqarı vekâletlesine muracaat etip, işğal etilgen Qırım topraqlarında taqiqiy izolâtorlarda ve koloniyalarda tutulğan ukrain ve qırımtatar siyasiy mabuslarını ziyaret etmesini rica etti. Bundan ğayrı Denisova işğal etilgen Qırımda insan aqları saasında vaziyet boyunca 2020 senesi ilk qış ayınıñ 16-da qabul etilgen quvetlerştirilgen BM qararnamesiniñ talaplarına binaen Rusiye Federatsiyası Ceza idaresi reberiyetine ve Başqurtistandaki koloniyalarnıñ idaresinde şu yerde tutulğan 12 siyasiy mabuslarnı ziyaret etmek talabı ile muracaat etti.
Ukraina halq deputatı Volodımır Aryev ''Avropa Birdemligi'' firqasında halq deputatlarınıñ er biriniñ Kreml mabuslarını imayeleri altına almalarına yardımcı olmağa azır olğanını bildirdi. Bundan ğayrı halq deputatı, ''Avopa Birdemligi'' fırqasınıñ azaları olğan Hmelnitskiy şeeriniñ başlığı ve 5 ayrı territorial cemiyetniñ başlıqları işbu teşebbüske qoşulmalarına ve siyasi mabuslarnıñ qorantalarına yardım etmelerine hızmet etmege azır olğanını haber etti.
''Bu mevzunıñ em şimdiki Ukraina ükümetiniñ, em de halqara teşkilâtlarınıñ kün tertibinden çıqmaması içün qolundan kelgenini yapmalımız'', – dep qayd etti Aryev.
Siyasiy mabus Remzi Memetovnıñ oğlu Dilâver Memetov, halqa deputatlarnıñ siyasiy mabuslarğa atalıq yapmalarını bütün dünya eşitilecek bir seske çevirilecegini ve olarnı azat etüv oğrunda müim adım olacağını qayd etti.
Grajdan serbestlikler merkeziniñ icra müdiri Aleksandra Romantsova işbu leyhanı memnüniyet ile qarşılağanını ve er siyasiy mabusnıñ ikâyesini beñzersiz ve populâr etmek, bu ikâyelerniñ çeşit türlü olğanını köstermek içün er türlü çareler qıdırmaq kerek olğanını qayd etti.
''Bu teşebbüsni alğışlaymız ve o, siyasiy mabuslarnıñ azat etilmesini yaqınlaştıracaq, dep sayamız'', – dep bildirdi Romantsova.
Ukrain ressam Andrey Yermolenko, siyasiy mabuslarnıñ taqdirleri içün şahsiy mesüliyet çekkeni sebebinden #LIBERATECRIMEA içün ''Deputat, Kreml mabuslarına yardım et!'' leyhası çerçivesinde resimlerini çızğanını bildirdi.
''Bu leyhağa qoşuldım, çünki Ukrainanıñ serbestligi oğrunda Kreml zindanlarında bulunğan insanlarnıñ taqdirleri içün özümni mesüliyetli is etem. Öz yerlerimizde bu insanlarnıñ azat etilmesi içün qolumızdan kelgenini yapmalımız. Men böyleliknen (plakatlarnı, körgezmeli süretlerni azırlav – muarririyetten) yardım etem, çünki men bu saada bir şeyler añlayım, bu menim küreş meydanımdır'', – dep haber etti Yermolenko.
Hatırlatamız ki, ilk qış ayınıñ 11-de, Qırımnı işğalden azat etüv ve qırımtatar halqı ile birdemlik oğrunda teşkil etilgen #LIBERATECRIMEA halqara areketi ''Deputat, Kreml mabuslarına yardım et'' leyhasını onlayn şekilde taqdim etip, Ukraina deputatlarını Rusiye işğalcileri tarafından apis etilgen ya da taqip etilgen Qırım sakinlerine atalıq yapmağa çağırdılar.