Dzhemil Gafarov, a defendant in the so-called second Hizb ut-Tahrir case in Simferopol, developed gout of the legs and his health has significantly deteriorated, but no one provides him with medical care in the pre-trial detention center. This was reported by the Crimean Solidarity public association.
.jpg)
''Cezalarnı yerine ketirüv federal hizmeti 91-nci idaresiniñ (UFSİN) abulqatqa Gafarovnıñ sağlıq vaziyeti aqqında malümatlarnı bermey, tıbbiy talil neticelerini ve bütün tıbbiy malümatnı Gafarovnıñ özünden de gizley. Gafarovnıñ sağlıq vaziyeti beterleşkeninden evel, Gafarovnıñ soñki bir qaç ay devamına ricada bulunğanına baqmadan, UFSİN tıbbiy bölüginiñ terapevt ekimi onı hastahanege qoymağa ve teşkermege red etti, aynı şu ekim Gafarovğa tıbbiy talil neticelerini de haber etmege istemey'', – dep bildirdi abulqat Rifat Yahin.
Hatırlatamız ki, 2017 senesi saban ayınıñ 27-de Rusye işğalcileri 26 qırımtatar evinde kütleviy tintüvler keçirdiler. Bazı faalerde yasaq etilgen kitaplarnı taptılar. "Qırım birdemiligi" birleşmesiniñ malümatına köre, şu kitaplarnı quvetçiler özleri ketirip qoydılar. Kitaplardan ğayrı insanlardan telefon, planşet, noutbuk ve pasportlarını tutıp aldılar. Quvetçiler qırımtatarlarğa nisbeten qaba şekilde areket ete ediler. Olar yaqalanğan insanlarğa qarşı küç qullandılar. Evlerge ayaqqaplarını çıqarmayıp kirdiler. Tintüvlerge kelgen advokatlarnı müşterilerine yibermey ediler. Tintüvler neticesinde 20 insan yaqalandı, olarnı Rusiyede yasaq etilgen "Hizb ut-Tahrir" teşkilâtına alâqası olğanında qabaatladılar. Saban ayınıñ 28-de tintüvler keçirilgen vaqıt evlerinde olmağan daa üç qırımtatar faalini yaqaladılar. Saban ayınıñ 27-de ve 28-de işğal "mahkemesi" tintüvlerden soñ yaqalanğan 23 insannıñ cemisini apiske aldı. Sıñırlav tedbiri olaraq, episini tevqifhanede qaldırdılar. Soñra apis müddeti defalarca uzatılğan edi.