For 9 months of 2020, 112 cases of violation of the right to the highest attainable standard of physical and mental health were recorded, 91 of which were against Crimean Tatars. This indicator exceeds last year for the same period: in 2019, 90 cases of violations were recorded, in 2018 – 40. This is stated in the analysis of human rights violations in Crimea for 9 months of 2020 by the Crimean Tatar Resource Center.
Esap etilgen devirde azatlıqtan marum etüv yerlerinde, tacmaraz salğını kenişlegenine baqmadan, mütenasip tıbbiy daimiy şekilde yardımnıñ berilmegeni qayd etildi. Siyasiy mabuslarınıñ bir qısımı şahsiy qorçalav vastalarınen temin etilmegeni aqqında belli. Böyle areketler öz nevbette olarnıñ sağlıq vaziyetleri beterleşkenine ketire edi. Bunınen beraber, abulqatlarnıñ talapları çoqusı allarda körmemezlikke urula edi.
Bundan ğayrı, yaqalanğan Qırım sakinleri psihiatrik hastahanelerge zorbalıqnen yatqızıla edi, böyleliknen olarnıñ fizikiy ve ruhiy sağlığınıñ eñ yüksek seviyesine irişe bilüv aqları bozula edi.
Vaqıtında mütenasip tıbbiy yardımnıñ berilmeyüvi insaniyetsiz ve aşağılayıcı davranuv olaraq sayılıp, insan aqlarını ve esas serbestliklerini qorçalavğa dair Beyannameniñ 3-nci maddesini bozmaqtadır.
Hatırlatamız ki, 2020 senesiniñ 9 ayı devamında işğal etilgen Qırımda Rusiye quvetçileri eñ azından 40 tintüv keçirdi, olardan 25 – qırımtatarlarnıñ evlerinde yüz berdi, 68 kişi yaqalandı, olardan 28 – qırımtatarlardır, 70 sorğu, sorav ve ''sübet'' keçirildi, olardan 34 qırımtatar halqınıñ vekilleri ile bağlı edi, 195 insan tevqif etildi, olardan 152 – qırımtatarlardır. Bundan ğayrı, adaletli mahkeme aqqınıñ 332 kere bozulğanı qayd etildi, olardan 277 qırımtatarlarnen bağlı edi.