On Monday, November 9, representatives of the Crimean Tatar Resource Center met with the Ambassador Extraordinary and Plenipotentiary of the Kingdom of Denmark to Ukraine, Mr. Ole Egberg Mikkelsen. The diplomat was told about the human rights violations in Crimea and the deportation of the Crimean Tatar people, and also presented the album Hostages of the Occupation. In addition, the parties agreed to jointly hold a number of events.
Körüşüvde Danimarka Qırallığınıñ Ukrainada Fevqulâde ve Tolu Vekâletli Elçisi Ole Egberg Mikkelsen, Qırımtatar Maaliy Merkezi idaresiniñ yolbaşçısı, Qırımtatar Milliy Meclisiniñ azası Eskender Bariyev ve QMM yöneticisi Zarema Bariyeva iştirak ettiler.
Qırımtatar Maaliy Merkeziniñ temsilcileri diplomatnı vaqtınca işğal etilgen Qırımda insan aqlarınıñ bozuluvı saasında vaziyetnen tanıştırdılar, siyasiy mabuslar, yarımada işğal etilgen soñ ğayıp olğan ve elâk olğan insanlar aqqında ikâye ettiler. Qırımtatar Maaliy Merkezi tarafından işlep çıqarılıp, 4 tilde mevcut olğan ve daimiy rejimde Qırım işğal etilgeninden berli elâk ya da ğayıp olğan, siyasiy sebeplerden apiste tutılğan insanlarnıñ aktual sayısını köstergen "Qırım işğaliniñ qurbanları" açıla bilgen diagrammalar taqdim etildi.
Ole Egberg beyge yarımadanıñ işğal etilmesi neticesinde reinelerge çevirilip, yarımadada yaşamağa devam etken ve memleket içinde avuşqan onar qırımtatar horantanıñ taqdirini tasvir etken ''İşğalniñ reineleri'' adlı albom ediye etildi. Bundan ğayrı, Qırımtatar Maaliy Merkezi tarafından Qırım siyasiy mabusları, Qırım işğal etilgeninden berli elâk ya da ğayıp olğan insanlar aqqında azırlanğan ''Babam qaramandır!'' serlevalı buklet taqdim etildi.
Bundan ğayrı, taraflar tacmaraz salğınını esapqa alıp, onlayn şekilinde bir sıra tedbirlerni keçirmege añlaştılar, QMM Danimarka deputatlarını vaqtınca işğal etilgen Qırımdaki vaziyet aqqında haberdar etmege, siyasiy mabuslar aqqında daa tolu malümat bermege, ''İşğalniñ reineleri'' ve ''Qırımtatarlar'' mevzusında sergiler teşkil etmege azırdır.
QMM temsilcileri Elçi beyge kelecekteki işbirlik içün bir sıra tekliflerini taqdim ettiler:
– siyasiy mabuslarnı ve olarnıñ qorantalarını siyasiy imayege alınmasını közde tutqan ''Atalıq'' teşebbüsiniñ yerine ketirilmesi;
– işğal etilgen Qırımda insan aqlarınıñ bozuluvında iştirak etken şahıslarğa qarşı şahsiy sanktsiyalarnı qabul etmek maqsadınen Danimarka parlamentiniñ deputatları tarafıdan ''Magnitskiy aktına'' benzer qanunınıñ qabul etilmesi;
– Danimarka Parlamenti tarafından qırımtatar halqınıñ sürgün etilmesini soyqırım olaraq tanılması.
Qırımtatar Maaliy Merkeziniñ vekilleri elçi beyge qırımtatar halqınıñ sürgün etilüvini genotsid olaraq tanılmasına dair vesiqalar cıyımını taqdim ettiler.
– Qırımtatar Milliy Meclisiniñ bütün BM aza devletleriniñ parlamentlerine muracaatı;
– Qırımtatar Maaliy Merkeziniñ Danimarka parlamenti spikerine muracaatı;
– ''Qırımtatar halqına qarşı soyqırım yapılğanı aqqında'' Ukraina Yuqarı Şurasınıñ Qararnamesi;
– Ukraina Yuqarı Şurasınıñ ''Ukraina Yuqarı Şurasınıñ Birleşken Milletler Teşkilâtına, Avropa Parlamentine, AHİT Parlament Assambleyası, AŞPA, Qaradeñiz ihtisadiy işbirligi teşkilâtınıñ Parlament Assambleyası, çeşit türlü memleketlerniñ parlamentlerine ve ükümetlerine qırımtatar halqınıñ soyuqırım qurbanlarını añuv ve işğalci devlet Rusiye Federatsiyası tarafından qırımtatar halqınıñ aq-uquqlarını ve serbestliklerini bozuluvına dair muracaatı'' aqqında qararlamesi;
– ''Qırımtatar halqınıñ sürgün etilmesiniñ 75-yıllığı hatırasına ve Qırımnı qanunsız şekilde işğal etüvniñ qabul etmeme siyasetine qol tutut munasebetinen'' Latviya Cumhuriyeti Seyminiñ beyannamesi;
''Qırımtatar halqınıñ Sovet Birligi tarafından yoq etilmesini soyqırım adisesi olaraq tanuv aqqında'' Litva Cumhuriyeti Seyminiñ beyannamesi;
– qırımtatar halqınıñ sürgün etilmesine adliy ceetten tamır halqqa yapılğan halqara cinayet olaraq qıymet kesüv.
Danimarkalı diplomat öz nevbette Ukrainanıñ egemenligine ve topraq bütünligine deñişmegen şekilde qol tutqanını hatırlatıp, Danimarka Qırımnıñ qanunsız şekilde işğal etilmesini iç bir vaqıt tanımaycağını qayd etti.
'İşğalnıñ reineleri'' albomı ABD Ukrainada Elçihanesi demokratiyağa qol tutuv Fondunıñ maddiy desteginen azırlandı.