In an interview with Krym Realii, Eskender Bariiev, Сhairman of the Board of the Crimean Tatar Resource Center (CTRC) and member of Mejlis of the Crimean Tatar people, stated that the challenges of the militarization of Crimea by Russia are dangerous both for the indigenous peoples of Crimea and for various natural systems of the region. Bariiev noted that the CTRC continues to pay close attention to this problem.
''Qırımnıñ Rusiye tarafından arbiyleştirilüvi em yarımadanıñ tamır halqları, em de Qırım tabiatı içün havflı. Rusiye Federatsiyası Qırımda istegeni qadar özek obyektlerni ve malzemelerini, özek silânı taşıp olğan uçaqlar ve raketalar ile beraberlikte silâ sistemalarını yerleştire, Aqyar ve Kefe civarlarındaki Sovet deviri özek silâ yerleştirüv tesislerni ğayrıdan tikley, neticede yarımadanıñ topraq, suv ve ava saalarınıñ özek malzemelerinen bulaşa bile. Arbiyleştirüv, sanayı ve qurucılıq maqsadlarda Qırımda ve Qara ile Azaq deñizleriniñ iç suvlarında ve yalılarında qum ve başqa resurslarınıñ kütleviy şekilde çıqarıluvı ve neticede suv resurslarınıñ kirletilmesi ve tüketilmesi, sailniñ deñiştirilmesi, suv aqımlarınıñ ve deñiz tübündeki biologik variyetniñ menfiy tarafqa deñiştirilmesi, Kalamit, Karkinit ve Donuzlav körfezleri, Bakal beli, Aqquş adaları ve Zernova kiçik filofor alanındaki unikal suv-bataq saaları içün telüke doğura. Keriç boğazında, Aqyar limanlarınıñ suvlarında, Donuzlav ve Sivaş körfezlerinde talimatlarınıñ keçirilmesi neticesinde deñiz saası kirlene.
Bariyev Qırımdaki Rusiye silâlı quvetleri, sanayı ve qurucılıq ihtiyacları içün yarımadanıñ ekosistemasını tuzlanuvdan ve qurumaqtan qorçalağan sıñırlı ve ğayrıdan tiklenemez artezian suv yedekleriniñ nezaretsiz ve ealiniñ gumanitar ihtiyacları ile añlatılamağan kütleviy şekilde tüketilmesi, Qırımğa saip olamağan Rusiye Federatsiyası akimiyetiniñ vekilleri tarafından Qırımdaki yeraltı ve yerastı suv menbalarınıñ vahşıyca qullanıluvı ve tabiy suv yollarınıñ deñiştirilüvi Qırımnıñ bütün etraf müiti üçün telüke doğurğanını qayd etti. Neticede yarımadanıñ ekosisteması quruvğa ve tuzlanuvğa oğray.
''Şunı da qayd etmelimiz ki, Qırımtatar Maaliy Merkezi ''İşğalci Rusiye akimiyetiniñ aqıllı olmağan siyasetiniñ Qırımdaki suv balansına tesir etüv'' mevzusında esabatını BM İnsan aqları boyunca Baş komissarı idaresine, BM azaları olğan devletlerniñ Ukrainadaki elçihanelerine ve başqa mütenasip halqara teşkilâtlarğa yolladı, bundan ğayrı, Ukraina çetel işler Nazirligine BM Baş Assambleyasınıñ qararnamesi içün tevsiyeler yollanıldı. Halqara cemiyet ve mütenasip halqara teşkilâtlar Rusiyeden yarımadanıñ arbiyleştirilmesi ve özekleştirilmesi çerçivesinde Qırım ve qomşı deñiz saalarınıñ ava, topraq ve suv çevreleriniñ qanunsız şekilde kirletilmesini, Şimaliy Qırımda himiya sanayısınıñ nezaretsiz faaliyetini toqtatmağa talap etmeli'', – dep añlattı o.
QMM idare başlığınıñ qayd etkenine köre, Rusiyede aşağıdaki areketler talap etilmeli:
– Qırımda yalıñız ealiniñ temel ihtiyacları içün ve başqa menbalarnıñ yoqluğında artezian suv çıqaruvını yapmaq, Qırımda suvı az olğan topraqlarda olğanı kibi optimal iqtisadiy faaliyet yürsetmek,
– büyük miqdarda suv masraf etken şirketlerni çalıştırıp, Qırımğa Rusiye Federatsiyası vatandaşlarını kütleviy şekilde köçürip ve Qırımda arbiy bazalarını yerleştirip, sunniy şekilde suv ithiyaclarını arttırmamaq,
– yarımadadaki suv anbarlarını ve suv dağıtım sistemalarını tutumlı şekilde işletmek,
– beñzeri olmağan Qırım tabiatınıñ ve tabiy abidelerniñ yoq etilüvini toqtatmaq,
– tamır halqarına ve şu cümleden qırımtatar halqına halqara uquq tarafından kefil etilgen ananeviy tabiatnı yönetüv, tabiat abidelerini, manzaralarını ve huhusiy bağları olğan tabiat sistemalarını qorçalav aqqına riayet etmek.
''Rusiye Federatsiyası tarafından işbu talaplarnıñ yerine ketirilmemesi Rusiye Federatsiyasınıñ Qırımdaki cinayetleriniñ halqara mahkemelerde ve başqa vekâletli halqara müessiselerde baqılması ve tecavüzci devletke qarşı yañı sanktsiyalarnıñ qabul etilmesi içün qoşma sebep olur'', – dep qayd etti Eskender Bariyev.