More than 200 Crimeans were sent to serve in military units located on the territory of mainland Russia. The press service of the Southern Military District of the Russian Ministry of Defense reported.
2020 senesiniñ küzünde orduğa çağırılğan 200-ge yaqın Qırım sakini arbiy-naqliyat uçaqlarnen Qırımnıñ sıñırları tışında hızmet etmege yollanıldı. Orduğa çağırılğanlar regionda üküm sürgen epidemiologik vaziyetnen bağlı tevsiyelerge riayet eterek hızmetke yollanıldı'', – dep haber etile bildirüvde.
Qırımtatar Maaliy Merkeziniñ temsilcileri halqara meydançıqlarda Qırım sakinleriniñ grajdanlıq vaziyeti IV Jeneva Konvetsiyası ile belgilengenini, onıñ 51 maddesine binaen, işğal etici devletniñ Qırım sakinlerini öz silâlı ya da yardımci quvetlerinde hızmet ettirmege aqqı olmağanını qayd eteler. Nasıldır basqı, ya da gönülli olaraq hızmet ettirmek maqsadınen yapılğan propaganda da yasaq etile.
Bundan ğayrı, temel halqlarınıñ aqları aqqında BM Deklaratsiyasınıñ 30 maddesine binaen, topraqnıñ tamır halqından razılıq almadan arbiy faaliyetni alıp barmaq yasaqtır.
Rusiyeni vaqtınca işğal etilgen Qırımda ve Aqyar şeerinde yaşağan sakinlerniñ ordu hızmetine çağırılmasını lâğu etmege ve öz halqara mecburiyetlerine riayet etmege çağıramız.