The defendant in the so-called second Hizb ut-Tahrir case in Simferopol, Enver Ametov, complained about the inhuman conditions in the pre-trial detention center, as a result of which a lot of patients appeared there. But the pre-trial detention center administration does not respond to complaints from political prisoners. This was reported by the Crimean Solidarity public association.
Siyasiy mabus öz abulqatına SİZO memuriyeti şikâyetlerge qulaq asmağanını, acele yardımnı çağırmağanını, sıcağı yüksek olğan hastalarğa tıbbiy yardım berilmegenini haber etti. Bundan ğayrı, Enver Ametov olarnı taqiqat tedbirlerniñ cedveli pek yorutqanını qayd etti.
''Aftada bir kün olar özlerini tevqifhanede nizamğa ketire bileler, qalğan 6 kün devamında olarnı FSB-ge taqiqat tedbirlerine alıp baralar. Saat 5:00 turıp, gece saat 10-11 öz ücrelerine qaytalar. Bu cedvel pek yoruta, men bellesem, mahkeme bunı diqqatqa almalıdır'', – dep haber etile bildirüvde.
Hatırlatamız ki, 2017 senesi saban ayınıñ 27-de Rusye işğalcileri 26 qırımtatar evinde kütleviy tintüvler keçirdiler. Bazı faalerde yasaq etilgen kitaplarnı taptılar. "Qırım birdemiligi" birleşmesiniñ malümatına köre, şu kitaplarnı quvetçiler özleri ketirip qoydılar. Kitaplardan ğayrı insanlardan telefon, planşet, noutbuk ve pasportlarını tutıp aldılar. Quvetçiler qırımtatarlarğa nisbeten qaba şekilde areket ete ediler. Olar yaqalanğan insanlarğa qarşı küç qullandılar. Evlerge ayaqqaplarını çıqarmayıp kirdiler. Tintüvlerge kelgen advokatlarnı müşterilerine yibermey ediler. Tintüvler neticesinde 20 insan yaqalandı. Olarnı Rusiyede yasaq etilgen "Hizb ut-Tahrir" teşkilâtına alâqası olğanında qabaatladılar. Saban ayınıñ 28-de tintüvler keçirilgen vaqıt evlerinde olmağan daa üç qırımtatar faalini yaqaladılar. Saban ayınıñ 27-de ve 28-de işğal "mahkemesi" tintüvlerden soñ yaqalanğan bütün 23 insannı apiske aldı. Sıñırlav tedbiri olaraq, episini tevqifhanede qaldırdılar. Soñra apis müddeti defalarca uzatılğan edi.