On Thursday, October 22, representatives of the Crimean Tatar Resource Center met with the atache of the Slovenian Embassy in Ukraine Denis Kuranovic. The diplomat was told about the human rights violations in Crimea and the deportation of the Crimean Tatar people, and also presented the album Hostages of Occupation about 20 life stories of Crimean Tatars’ families who became hostages of the occupation of the peninsula. The interlocutors discussed a number of initiatives and ideas for further cooperation.
Körüşüvde Sloveniyanıñ Ukrainada ataşesi Denis Kuranoviç, Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası Eskender Bariyev ve QMM yöneticisi Zarema Bariyeva iştirak ettiler.
Qırımtatar Maaliy Merkeziniñ temsilcileri Sloveniyalı diplomatnı işğal etilgen Qırımda insan aqları saasındaki bozuluvlar, siyasiy mabuslar, işğal deviri esnasında elâk olğanlar ve coyulğanlar aqqında haberdar ettiler. CMM tarafından 4 tilde azırlanğan ve teşkilâtnıñ İnternet saifesinde daimiy şekilde bulunğan ''Qırım işğaliniñ qurbanları'' serlevalı canlı diagramada Qırım işğali devirinde siyasiy mabuslar, coyulğan ve elâk olğan insanlar aqqında aktual malümat aks ettirilgendir.
Denis bey Kuranoviç, Sloveniyanıñ insan aqlarına qol tutqanını ve Qırımda insan aqlarınıñ ve şu cümleden qırımtatar halqınıñ aqlarınıñ bozuluvı meselesini daima kötergenini qayd etti.
Taraflar kelecekteki işbirlik çerçivesinde bir sıra teşebbüslerini muzakere ettiler. Esas yönelişlerden:
– Sloveniyada ''İşğalniñ reineleri'' sergisini teşkil etmek imkâniyeti;
– Meclis azalarınıñ Sloveniyağa ziyareti, yerli deputatlar ve cemaat teşkilâtlarınıñ vekilleri ile körüşüvlerni keçirüv;
– Sloveniya esli-başlı adamlarnıñ aqlarınıñ qorçalanmasına büyük emiyet bermekte. Bu munasebet ile taraflar, maqsadı Qırımnıñ işğal etilmesi neticesinde zarar körgen adamlarnıñ aqlarını qorçalamaq olğan umumiy leyhalarnı amelge keçirmek imkâniyetini muzakere ettiler;
– Sloveniyalı siyasetçileriniñ qırımlı siyasiy mabuslarını ve olarnıñ qorantalarını siyasiy imaye altına almaq imkâniyetini yaratqan ''Atalıq'' teşebbüsine qoşulması;
– işğal etilgen Qırımda insan aqlarınıñ bozuluvında iştirak etken şahıslarğa qarşı şahsiy sanktsiyalarnı qabul etmek maqsadınen Sloveniya parlamentiniñ deputatları tarafıdan ''Magnitskiy aktına'' benzer qanunınıñ qabul etilmesi;
– Slovetniya parlamentiniñ deputatları ile qırımtatar halqını sürgün etüvni genotsid olaraq tanılmasına qol tutuv.
Soñki madde munasebeti ile Denis bey Kuranoviçke qırımtatar halqınıñ sürgün etilüvini genotsid olaraq tanılmasına dair vesiqalar cıyımı taqdim etildi.
– Qırımtatar Milliy Meclisinden bütün BM aza devletleriniñ parlamentlerine muracaat;
– Qırımtatar Maaliy Merkezinden Sloveniya parlamenti spikerine muracaat;
– ''Qırımtatar halqına qarşı soyqırım yapılğanı aqqında'' Ukraina Yuqarı Şurasınıñ Qararnamesi;
– Ukraina Yuqarı Şurasınıñ ''Birleşken Milletler Teşkilâtına, Avropa Parlamentine, AHİT Parlament Assambleyasına, AŞPA, Qaradeñiz ihtisadiy işbirligi teşkilâtınıñ Parlament Assambleyasına, çeşit türlü memleketlerniñ parlamentlerine ve ükümetlerine qırımtatar halqınıñ soyuqırım qurbanlarını añuv ve işğalci devlet Rusiye Federatsiyası tarafından qırımtatar halqınıñ aq-uquqlarını ve serbestliklerini bozuluvına dair Ukraina Yuqarı Şurasınıñ muracaatı'' aqqında qararlamesi;
''Qırımtatar halqınıñ sürgün etilmesiniñ 75-yıllığı hatırasına ve Qırımnı qanunsız şekilde işğal etüvniñ qabul etmeme siyasetine qol tutut munasebetinen'' Latviya Cumhuriyeti Seyminiñ beyannamesi;
''Qırımtatar halqınıñ Sovet Birligi tarafından yoq etilmesini soyqırım adisesi olaraq tanuv aqqında'' Litva Cumhuriyeti Seyminiñ beyannamesi;
– qırımtatar halqınıñ sürgün etilmesine adliy ceetten tamır halqqa yapılğan halqara cinayet olaraq qıymet kesüv.
'İşğalnıñ reineleri'' albomı ABD Ukrainada Elçihanesi demokratiyağa qol tutuv Fondunıñ maddiy desteginen azırlandı.
