The Ministry for the Reintegration of the Temporarily Occupied Territories of Ukraine announced that it is starting to work on a strategy for the development and popularization of the Crimean Tatar language, since it is an integral element of the identity and ethnocultural integrity of the Ukrainian Nation. The press service of the department reported about this.
Ukraina tamır halqlarından biri olğan qırımtatarlarnıñ tili Ukraina milliy kimliginiñ ve etnomedeniy bütünliginiñ ayırılmaz parçasıdır. Ana tilinde laf etken insanlarnıñ aqlarını yerine ketirüv, tamır halqlarnıñ til çeşitligini inkişaf etüv Ukraina Esas qanunında pekitilgendir. Bu tezisler ayrıca Ukraina Yuqarı Şurası 2014 senesi saban (mart) ayı 20 künü alğan 1140-VII sanlı Ukraina devletinde qırımtatar halqınıñ aq-uquqlarını qorçalav aqqında qararda aks etilgendir'', – dep haber etile bildirüvde.
Qayd etile ki, qırımtatar tiliniñ saqlanması ve inkişaf etmesi Qırım işğali neticesinde daa ziyade qıyınlaştı. RF qırımtatar tili işletilgen saalarnı sıñırlaştıra. Bundan ğayrı, qırımtatar tilinde laf etken insanlar kütleviy şekilde qıta Ukrainağa köçip darqalğanları assimilâtsiya ve tilniñ yoq oluvı telükesini arttıra.
''Bir ay devamında Meclis, alimler, ocalar ile ögümizde turğan vazifeler dairesi boyunca aqıl tanıştıq. Neticede tilni inkişaf ettirüv meselesi kompleks şekilde ve uzun vaqıt devamında ğayretlerniñ sarf etilmesini talap etecegine dair umumiy fikirge keldik. Al-azırda mesele fiilen çeşit türlü idarelerniñ vekâletleri ile bağlı, idareler arası uyğunlaştıruv içün normativ baza kerek. BM seviyesinde (2022-2032 seneleri devamında) Tamır halq tilleriniñ halqara onyıllığı aqqında qarar alınğanını esapqa alaraq, aynı vaqqıtta qırımtatar tiliniñ inkişaf etilmesine ve tanıtılmasına dair Strategiyanı inkişaf etmek fikiri ortağa çıqtı'', – dep qayd etti Ukraina topraqlarını ğayrıdan integratsiya etüv meseleleri boyunca Nazir Oleksiy Reznikov.