The staff of the Crimean Tatar Resource Center wholeheartedly congratulates everyone on the Day of the Crimean Tatar flag! This year marks 10 years of this wonderful holiday. Today, the Crimean Tatar flag has become a symbol of the struggle for the Crimea, not only for the Crimean Tatars, but also for Ukraine as a whole. It is a symbol of the invincibility and struggle of the indigenous people for their freedom and rights. And the day is not far off when the Crimean Tatar flag and the state flag of Ukraine will freely and proudly rise above the Ukrainian peninsula. Happy Day of the Crimean Tatar flag!
Qırımtatar bayrağı kök tüste, sol köşesinde altın tamğası olğan bir kumaçtır. Açıq mavı kök tüsü- türk halqlarnıñ adetiy tüslerden, Qırım hanlığınıñ bayraqlarında qullanılğan renk olıp, temizlik, serbestlik, adalet ve sadıqlıq, kemal ve küçniñ timsali ola.
Tamğa ise hakimiyet timsali olıp, mühür, imza kibi tercime etile. Taraq- Qırım hanlığı hakimiyetiniñ timlası edi. İşaret Giraylar sülãlesiniñ timsal variantlarından birini tekrarlağan T arifine oşağan şekilden ibarettir. Tamğanı farqlı ifadeleyler: kökte uçqan şahinni añdıra; başqa fikirge köre, tamğa- barışıqlıq, bir-birini hürmet etüv, teñlik, adalet temsili olğan terazedir. Fikirlerniñ farqlığı sülãle temsillerinen bağlı ola bilir. Qırım hanlığı vaqtında her aileniñ tamğası farqlı edi.
1917 senesi qırımtatar bayrağı qırımtatarlarnıñ 1 Qurultayında tasdiqlanılğan edi.
1991 senesi 30 iyün künü II qırımtatar Qurultayınıñ qararı ile bayraq milliy bayraq olaraq qabul olundı. Asılında bayrağımız Qırımda öz halqınen birlikte yañıdan tiklenmege başladı, çünki farqlı devirlerde basqı altında qalğan edi: 1929 senesi kommunistler kelgeninen kök bayrağımız ‘burjua-milletçi’ olaraq tanılıp, yasaq etildi. Sürgünlik yerlerinde 1944 seneleri bayraqnı saqlamağa havflı edi. 1970-80 seneleri qırımtatarlarnıñ büyük qısmı öz bayraqları olğanını bilmey ediler. 18 mayıs künü faalliler matem bayraqlarını gizlider yükseklikke köterip asa ediler. Böyle etip, adamlar 1944 senesi 18 mayıs künü sürgünlikke öz narazılığını kösterip, qurbanlarnıñ hatırasını aña ediler.
2005 senesinden gençler öz tarih ve medeniyetini bilmek istegini bildirmege başladılar. ‘Tuvğan Ukraina- seniñ yurduñ’ bütünukrain aktsıyası her yıl gençlerni birleştirdi. Faalliler Ukrainanıñ çeşit köşelerinden toplaşıp, Ukraina devlet bayrağı künü qırım dağlarınıñ töpesine çıqıp, kelecek nesillerge muracaatnı bulundırğan kapsulanı saqlay, Ukraina ve qırımtatar bayraqlarını tikley, Ukraina ve qırımtatar gimnlerini icra ete ediler. Qırımtatar bayraq kününi keçirmek ğayesi 2009 senesi genç siyasetçi Mektebinde Eskender Bariyev tarafından seslendirilgen edi.
Qırımtatar gençler merkezi ve diger gençler teşkilãtlarınıñ teşebbüsi ile 2010 senesi 26 iyün künü qırımtatarlar ilk sefer qırımtatar bayraq kününi qayd ettiler.
2010 senesi 29 avgust künü V Qırımtatar Qurultayınıñ III sessiyasında milliy bayraq kününi 26 iyünde, II Qurultaynıñ açılış künü qayd etmege qarar alındı.
Bugünde -bugün Rusiye tarafından işğal etilgen Qırımda bayraq resmiy şekilde yasaq etilmese de, temsillerni qullanğanları içün insanlar basqı altında qala bileler.