The defendants in the so-called Simferopol Hizb ut-Tahrir case Teymur Abdullaev and Ayder Saledinov continue to exert pressure to break and subjugate them. Political prisoners are constantly being held in inhuman conditions in the punishment cell. This was reported by lawyer Emil Kurbedinov via his Facebook page.
"Başqırtistan Cumhuriyetiniñ prokuraturası ve Federal cezalarnı icra etüv hızmeti ruhsetinden apishane memuriyeti siyasiy mabüsler Teymur Abdullayev ve Ayder Saledinovğa qarşı qanunsız areketlerini devam ete. Qırımtatarlarnı boysundırmaq içün, olarğa nisbeten "işlenüv" ötkerile. Apishane hadimleri öz maqsadına yetmek içün mabüslerge boş yerde cezanı uydurıp, apishanede degil de, daima ceza kamerasında deşetli şaraitte tutalar", – denile haberde.
Advokat qayd etti ki, Başqırtistan Federal cezalarnı icra etüv hızmeti Teymur ve Ayderge tayinlengen cezalar aqqında vesiqalarnı ve uyğun malümatnı bermege red etti.
"Maqsadım – şu uydurılğan cezalarnı temyiz etmek. Yañlış yerde yuqlağan, apishane hakimine "sen" dep muracaat etken, gimnastikanı yapmağan – bu "qorqunçlı cinayetler" içün Başqırtistannıñ ekinci apishanesinde insanlarnı "sındıralar" ve olarnıñ sağlıqlarını yoq eteler", – dedi o.
2016 senesi oktâbrniñ 12-de Rusiye quvetçileri Aqmescit rayonındaki Mamaq köyünde kütleviy şekilde tintüvlerni keçirip, Uzeir Abdullayev, Teymur Abdullayev, Rustem İsmailov, Emil Cemadenov ve Ayder Saledinovnı yaqaladılar. Olarnı Rusiyede yasaq etilgen "Hizb ut-Tahrir" teşkilâtında iştirak etüvde qabaatladılar.
2019 senesi iyunniñ 18-de Rusiyeniñ Şimaliy Kavkaz bölgesiniñ arbiy mahkemesi Aqmescitteki "Hizb ut-Tahrir davasınıñ" iştirakçilerine nisbeten üküm çıqardı. Teymur Abdullayev 17 yıl, Rustem İsmailov 14 yıl, Uzeir Abdullayev 13 yıl, Ayder Saledinov ve Emil Cemadenovnı 12 yıl apis cezasına mahküm ettiler.
2019 senesi dekabrniñ 24-de Moskvadaki Rusiye Yuqarı mahkemesi Aqmescitteki birinci "Hizb ut-Tahrir davası" iştirakçileriniñ ükmüni deñiştirip, olarnıñ apis cezalarını altı ayğa eksiltti.