The Ministry of Foreign Affairs of the Russian Federation responded to the peaceful rally under the Russian Embassy in Kyiv, Russia Day – Occupant’s Day. The event was described as “another disgusting anti-Russian trick”, but it was also recognized as being rather creative.
Rusiye Tış işler nazirliginiñ haberine köre, Kiyevdeki Rusiye elçihanesi Ukraina Tış işler nazirligine narazılıq notasını yolladı.
Hatırlatamız ki, faaller Rusiye elhanesiniñ binasını işğalci devletniñ tış siyaseti mevzusındaki çeşit tillerde yazılar ve resimlernen yarıqladılar. Rusiye Tış işler nazirligi şu resimlerni "aqaret etken" ve "rusofob" dep adlandırdı.
Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası Eskender Bariyev Rusiye Tış işler nazirliginiñ bildirmesine cevap olaraq qarşılıq kösterdi.
"Ne içün Rusiye Tış işler nazirligi, Rusiye Putin idaresi altında yapqan cinayetler aqqında malümatnı rusofob ve aqaretli resimler dep adlandırğanını men añlap olamayım. Rusiye elçihanesiniñ binasında yarıqlandırılğan resimler Putin, faşizm, imperializm, işğalge qarşı yapılğan ediler. Rusiye Tış işler nazirligi putin, faşist, imperialist ve işğalci kategoriyalarnı rus degerlikleri olaraq saysa, özlerinde problemlerni qıdırsınlar!" – dedi o.
İyunniñ 12-de Kiyevdeki Rusiye elçihanesi yanında "Rusiye künü – işğalci künü" tınç aktsiya ötkerildi. Faaller bütün dünyağa icadiy şekilde Rusiyeniñ işğalci devlet olğanınını hatırlattılar. Tedbirni "Adalet korpusı" cemaat teşkilâtı, Qırımtatar Maaliy Merkezi ve #LIBERATECRIMEA halqara areketi teşkil ettiler.