The defendants in the so-called second Bakhchisaray Hizb ut-Tahrir case were placed in a small room with no windows and ventilation during the consideration of the appeal to extend the arrest by videoconference. All defense statements are ignored. This was reported by lawyer Emil Kurbedinov via his Facebook page.
"Şimdi Bağçasaraydaki ekinci taqımnı – 8 insan – üç metr kvadrat odada tutalar. Odada pencere ve avalandıruv yoq, nefes almağa qıyın. Arbiy istinaf mahkeme videokonferentsiya vastasınen apis müddetı uzatuvına istinaf şikâyetini baqa. Prokuror ve mahkemeciler oturışnı devam etüv içün iç bir mania körmeyler. Başta mabüsler şu odada nevbetnen olmağa tırıştılar, lâkin soñ olarnı episini anda zornen kirsettiler. İmayecilerniñ bütün muracaatlarını körmemezlikke uralar", – denile haberde.
2017 senesi oktâbrniñ 11-de Bağçasarayda işğalciler 6 qırımtatarı – Marlen Asanov, Seyran Saliyev, Timur İbragimov, Memet Belâlov, Ernes Ametov ve Server Zekiryayevnıñ evlerinde tintüvler keçirdiler. Tintüvlerden soñ qırımtatarlarnı yaqalap, Rusiye Ceza qanunnamesiniñ 205.5 maddesine köre "Rusiyede terroristik tanılğan teşkilâtında iştirak etüvde" qabaatladılar.
2018 senesi mayısnıñ 21-de işğal etilgen Qırımda Rusiye quvetçileri "Qırım birdemligi" birleşmesi faallerniñ evlerinde tintüvler keçirdiler. Neticede Server Mustafayev ve Edem Smailovnı yaqaladılar. Olarnı da Rusiyede yasaq etilgen "Hizb ut-Tahrir" teşkilâtında iştirak etüvde qabaatladılar.
2019 senesi fevral ayında Bağçasaraydaki ekinci "Hizb ut-Tahrir davasınıñ" iştirakçileri Marlen Asanov, Seyran Saliyev, Timur İbragimov, Memet Belâlov, Ernes Ametov, Server Zekiryayev, Server Mustafayev ve Edem Smailovğa qarşı Rusiye Ceza qanunnamesiniñ 278 maddesine köre (ükümni küçnen zapt etüv ya da ükümni küçnen tutuv) cinay dava açıldı.
Martnıñ 5-de Bağçasaraydaki ekinci "Hizb ut-Tahrir davasınıñ" iştirakçileri Timur İbragimov ve Memet Belâlovğa Rusiye Ceza qanunnamesiniñ 205.5 maddesiniñ ekinci qısmını ("terroristik teşkilâtında iştirak etüv") birinci qısmına ("terroristik teşkilâtınıñ faaliyetini teşkil etüv") deñiştirdiler.
2019 senesi sentâbrniñ 12-de Bağçasaraydaki ekinci "Hizb ut-Tahrir davasınıñ" iştirakçileri Marlen Asanov, Seyran Saliyev, Timur İbragimov, Memet Belâlov, Ernes Ametov, Server Zekiryayev, Server Mustafayev ve Edem Smailovnı Qırımdan Rostov-na-Donu şeerniñ apishanesine alıp kettiler.