On Monday, April 13, the Southern District Military Court in Rostov-on-Don extended the detention term of the so-called second Bakhchisarai Hizb ut-Tahrir case defendants. Marlen Asanov, Server Zekiryaev, Memet Belyalov, Seyran Saliiev, Ernest Ametov, Timur Ibrahimov, Edem Smailov and Server Mustafayev will remain in custody until August 13, 2020. This is reported by Graty media agency.
"Bugünki mahkeme oturışuvında mabüsler ve olarnıñ imayecileri koronavirus qırğınlığı sebebinden mahkemeden teneffüsni almağa rica ettiler. Mahkemeci Rizvan Zubairov cevap olaraq apis müddeti fevral ayında mayısnıñ 13-ce uzatılğanına baqmadan, kene apis müddetini uzatuvını baqmağa teklif etti. Prokuror Yevgeniy Kolpikov mahkemeden mabüslerni SİZOda daa üç ayğa qaldırmağa rica etti", – denile haberde.
Advokat Nazim Şeyhmambetov, apis müddetini uzatuv siyasiy mabüsleriniñ yaşayışı ve sağlığı içün telüke yarata dep bildirdi. Siyasiy mabüsler de mahkemeden olarnı SİZOdan azat etmege rica ettiler. Olar qayd etti ki, izolâtorde virusten qorçalanmaq içün iç bir çare körilmey, mahkemege olarnı maskalarnen temin etmeyip ketirdiler.
Hatırlatamız, 2017 senesi oktâbrniñ 11-de Bahçisarayda işğalciler qırımtatarlarnıñ evlerinde kütleviy tintüvler keçirdiler. Tintüvlerden soñ Marlen Asanov, Server Zekiryayev, Memet Belâlov, Seyran Saliyev, Ernes Ametov ve Timur İbragimovnı yaqaladılar. Olarnı Rusiye Ceza qanunnamesiniñ 205.5 maddesine köre, Rusiyede yasaq etilgen teşkilâtında iştirak etkenlerinde qabaatladılar.
2018 senesi mayısnıñ 21-de işğal etilgen Qırımda Rusiye quvetçileri "Qırım birdemligi" birleşmesi faalleriniñ evlerinde tintüvler keçirip, Server Mustafayev ve Edem Smailovnı yaqaladılar. Olarnı da Rusiyede yasaq etilgen "Hizb ut-Tahrir" teşkilâtında iştirak etkenlerinde qabaatladılar.
2019 senesi fevral ayında Bahçisaraydaki ekinci "Hizb ut-Tahrir davasınıñ" 8 mabüsi – Marlen Asanov, Server Zekiryayev, Memet Belâlov, Seyran Saliyev, Ernes Ametov, Timur İbragimov, Edem Smailov ve Server Mustafayevge qarşı Rusiye Ceza qanunnamesiniñ 278 maddesi boyunca (quvet yolınen akimiyetni elge keçirüv) cinaiy davanı açtılar.
Martnıñ 5-de Bahçisaraydaki ekinci "Hizb ut-Tahrir davasınıñ" eki mabüsi – Timur İbragimov ve Memet Belâlovğa qarşı qabaatlavlarnı Rusiye Ceza qanunnamesiniñ 205.5 maddesi ekinci qısmından ("terrorist teşkilâtında iştirak etmesi") birinci qısmına ("terrorist teşkilâtı faaliteniñ teşkil etmesi") deñiştirip quvetleştirdiler.