Tamam 74 yıl evel, 1949 senesi 4 aprelde Vaşingtonda 12 ülkeniñ – AQŞ, Büyük Britaniya, Frenkistan, İtaliya, Belgiya, Niderlandı, Lüksemburg, Kanada, Danimark, İslandiya, Norvegiya ve Portugaliya temsilcileri tarafından harbiy-siyasiy birlik haqqında Şimaliyatlantik pakt (NATO) qabul olundı.
Bütün bu ülkeler öz serbestligini qorumaq ve barışıqnı saqlamaq maqsadınen birleştiler.
Al-azırda NATOğa Avropa ve Şimaliy Amerikanıñ 31 ülkesi kirmekte, çünki bugün, Alyansnıñ 74 yıllığına daha bir aza – Finlãndiya qoşuldı.
2014 senesine qadar rf NATO ile çeşit sahalarda mahsuldar işbirlikte buluna edi. Faqat Qırım işğalinden soñ Alyans rusiyenen bütün bağlarını üzdi, çünki teşkilãt Ukraina territorial bütünligine qol tuta. Neticede, rf NATOnı duşman saflarına qoştı ve dostane areketlerinde bulunmağanında qabaatladı. Şu zamandan berli rf Nato faaliyei haqqında çeşit sahte haberlerni faal yaymağa başladı.
NATO ve Ukraina ile musabetleri rusiye KHV, şu cümleden qırım media içün de esas mevzulardan biri sayıla. Ayrıca da RF Ukrainağa qarşı cenk başlağanınen bu hal açıq aydın körünmekte. Rf böyleliknen nege irişmek istey, aceba?
Vaqtınca işğal etilgen Qırım ve Ukraina sakinlerini NATOğa qarşı toldurmaq.
NATO tarafından harbiy telüke olğanına insanlarnı qandırmaq.
Rusiyeniñ Ukrainağa qarşı cenkni aqlamaq.
Şu sebepten QRM daha bir yıl evel ‘İşğal etilgen Qırımnıñ KHV NATO’ rubrikasını başlatqan edi. Onıñ maqsadı, işğal etilgen Qırımda NATO faaliyetini, maqsatları, degerlikleri haqqında sahte haberlerni tapmaq ve temizge çıqarmaqtır.
Rusiyeniñ NATO haqqında uydurmalarnı közetip, kerçegini añlatmağa ve böyleliknen rusiye federatsıyasınıñ ukrain cemaatçılığı, şu cümleden işğal etilgen Qırım sakinlerine menfiy tesirinden qorumaq oğrunda çalışmaqtamız.
Şimaliyatlantik Alyansnıñ bütün ortaqlarımızğa Ukrainağa sadıqlığı, destegi içün ve rusiye işğalcılarğa qarşı küreşkenleri içün minnetdarmız. Eñ yaqın zamanda Ukraina da NATO azası olur degen ümüttemiz ve bunıñ içün elimizden kelgenini yapamız.