Tintüvden soñ erkekni belgisiz yerge alıp kettiler. Daha soñra belli olğanı kibi, Zekeryayevniñ qorantasını Eski Qırımğa ketirdiler. Olar yaşan evde de tintüv keçirilgen. Evni silãhlı adamlar ve mahsus harbiy naqliyat sarıp aldı.
Asan ve Emine ömürarqadaşını Aqmescitke alıp kettiler. Qayd etkenlerine köre, erkek ömürarqadaşını belli olmağan adamlarnen öz başına qaldırmamaq içün onıñ yanında olmağa qarar berdi. Balalar Emineniñ aqrabaşarında qalğan.
‘Şimdilik, Asan ve ömürarqadaşını, tuvğanlarınıñ atqanına köre, Aqmescitke alıp kettiler. Biz şimdi anda yol tutamız. Tetqiq işlerine meni yibermediler, sebebini de añlatmadılar. Şu sebepten, Qırım Cumhuriyetiniñ prokuraturasına şikãyet yolladıq’, – haber etti advokat Edem Semedlãyev.
Şunı da qayd etmege ister edik ki, 2022 senesi yanvar ayında polis hadimleri Aqmescitte Asan Zekeryayevge dair, o qırım müsülmanlarğa qarşı dava açılğan vaqıtta mahkeme binası yanında bulunğanı içün protokol tertip etilken ediler. Asan 14 kün hapiste oturıp çıqtı.