2023 senesiniñ 9 ayı devamında 57 tintüv, olardan 38-qırımtatarnıñ evlerinde keçirildi. Aynı devir içinde 2022 senesi 25 tintüv, 2021 senesi ise 46 tintüv keçirilgen edi. Bu aqta RM tarafından hazırlanılğan insan haqları bozuluvlarnıñ talilinde bahs etile.
Rusiye silãhlı küçleri nevbetteki evlerde tintüv keçirdiler:
– yanvar ayında İbraim Asanov, Ekrem Kroş, Ayder Asanov, Refat Seydametov, Osman Abdurazakov, Leman Zekiryayev, Halil Mambetov
– fevral ayında eki defa İlver Ametovda, Dmitriy Demçuk, Galina Balaban, Abdulaziz Cemilovnıñ ana-babasında
-mart ayında Edem Murtazayev, Memet Aşurov, Asan Abduramanov, Ahtem İsmailov, Lenur Urkumet, Lemmar Yunusov, Rolan Osmanov, Mustafa Mustafayev, Şevket Ergaşevnıñ evlerinde
-aprel ayında Fazil Emirüseinov, Abdureşit Cepparov, Edem İsmailov ve Bari Bariyevniñ evlerinde
-mayısta Qırımda yaşağan ve sanki Aksönov, Konstantinov, Pavlenkoğa qarşı suiqast azırlağan Ukraina, Rusiye, Bulğaristannıñ 7 vatandaşında ve Ridvan Rustemovda.
-iyünde Cafer ve Alim Alüstayevler, Bekir Dervişev ve Dilâver Musayevde.
-avgustta Asan Zekerâyev, Amethan Ümerov, Seydamet Mustafayev, Ruslan Asanov, Abdulmecit Seytumerov, Eldar Yakubov, Remzi Nimetulayev ve 9 ‘İyegova şaatları’nda
– sentãbrde Noman Çelebicihan adına batalyonında iştiragı içün tutuqlanılğan 54 yaşındaki qırımlıda, Andrey Babiçenko, Amet Abdulganiyev ve Celãl Cirikovda.
Hatırlatamız ki, Qırımtatar Resurs Merkezi 2023 senesiniñ 8 ayı devamında işğal etilgen Qırımda insan haqlarınıñ bozuluv talilini taqdim etti. Teşkilãtnıñ bildirgenlerine köre mezkür müddet içinde 57 tintüv, 154 tutuqlama, 165 sorğu qayd etildi. 2023 senesi 9 ay devamında 182 kere hapiske alındı. Fizik ve ruhiy sağlıqnıñ yüksek seviyesine yetmek haqqı 40 defa bozuldı. Daha tafsilãtlı malümatnı esabatımızdan ögrenmek mümkün.