2023 senesiniñ 1-inci yarımyıllığında işğal etilgen Qırımda 101 tutuqlama yüz berdi. Olardan 66 – qırımtatarlarğa nisbeten. 2022 senesi aynı müddet içinde 79 adam tutuqlandı, 2021 senesi ise – 156. Bu aqta QRM-niñ işğal etilgen Qırımda insan haqları bozuvlarınıñ talilinde tarif etile.
Hatırlatamız ki, Qırımtatar Resurs Merkezi 2023 senesi 1 yarımyıılığında işğal etilgen Qırımda insan haqlarını bozuvlarınıñ talilini taqdim etti. Teşkilãtnıñ malümatlarına köre, 140 yaqalama, 104 sorğu, qayd etildi, adaletli mahkeme haqqı 156 kere bozuldı. Fizik ve ruhiy sağlıqnıñ eñ yüksek seviye haqqı 29 kere bozulğanı belli. Daha da tafsilãtlı malümatnı esabatımızdan ögrenmek mümkün.