{"id":220897,"date":"2022-05-18T19:10:56","date_gmt":"2022-05-18T16:10:56","guid":{"rendered":"https:\/\/www.ctrcenter.org7721-pamyat-zhertv-genocida-krymskotatarskogo-naroda-pochtili-na-mezhdunarodnom-urovne-polnoe-video-mitinga-2"},"modified":"2022-05-18T19:10:56","modified_gmt":"2022-05-18T16:10:56","slug":"7721-pamyat-zhertv-genocida-krymskotatarskogo-naroda-pochtili-na-mezhdunarodnom-urovne-polnoe-video-mitinga-2","status":"publish","type":"post","link":"https:\/\/ctrcenter.org\/qt\/7721-pamyat-zhertv-genocida-krymskotatarskogo-naroda-pochtili-na-mezhdunarodnom-urovne-polnoe-video-mitinga-2","title":{"rendered":"Q\u0131r\u0131mtatar s\u00fcrg\u00fcnlik qurbanlar\u0131 halqara seviyede a\u00f1\u0131ld\u0131"},"content":{"rendered":"

\"\"<\/p>\n

\n

‘78 sene evel, 1944 senesi may\u0131sn\u0131ñ 18-inde Sovet Birliginiñ kommunist rejimi taraf\u0131ndan insaniyetlikke qar\u015f\u0131 de\u015fetli cinayet kerçekle\u015ftirildi- Q\u0131r\u0131mn\u0131ñ tam\u0131r halq\u0131 q\u0131r\u0131mtatarlarn\u0131 yer yüzünden yoq etmege t\u0131r\u0131\u015ft\u0131lar. Öz Vatan\u0131ndan bütün halq sürgün etilgeni ve ileride \u011furbetlikte vah\u015fiy \u015faraitlerden dolay\u0131 q\u0131r\u0131mtatar halq\u0131 nüfüziniñ 46 % \u011fayip etti’,- dep ba\u015flad\u0131 mitingni QRM reisi Eskender Bariyev.<\/p>\n<\/blockquote>\n

 Bariyev bütün dünyan\u0131 Q\u0131r\u0131m tam\u0131r halq\u0131n\u0131ñ sürgünlik qurbanlar\u0131n\u0131 añma\u011fa, i\u015f\u011fal etilgen Q\u0131r\u0131mda qal\u011fanlar ve Ukrainan\u0131ñ azatl\u0131\u011f\u0131 o\u011frunda cebede küre\u015fken askerlerge birdemlikni bildirmege davet etti.<\/p>\n

 Onlayn mitingge qo\u015ful\u011fanlar:
\nQ\u0131r\u0131m müsülmanlar\u0131 diniy idaresiniñ müftisi Ayder Rustamov<\/p>\n

Ukraina ba\u015f naziriniñ muavini – vaqt\u0131nca i\u015f\u011fal etilgen Ukraina territoriyalar\u0131n\u0131ñ reintegrats\u0131ya Naziri \u0130rina Vere\u015fçuk<\/p>\n

 Latviya Cumhuriyetiniñ seym reisi \u0130nara han\u0131m Murniyetse<\/p>\n

Türkiye Prezidentiniñ ba\u015f mesleatç\u0131s\u0131 Yalçin Topçu<\/p>\n

Dissident, SSSR devrinde siyasiy mahbüs, rusiye huquqqoruy\u0131c\u0131s\u0131, jurnalist ve cemaat erbab\u0131 Aleksandr Podrabiyenko<\/p>\n

Türkiyede q\u0131r\u0131mtatar te\u015fkilãtlar platformas\u0131n\u0131ñ reisi Ümit \u015eilit.<\/p>\n

Huquqqoruy\u0131c\u0131, advokat Nikolay Polozov<\/p>\n

Türkiyede q\u0131r\u0131mtatar medeniyet ve birdemlik te\u015fkilãtlar\u0131 Assots\u0131ats\u0131yas\u0131n\u0131ñ ba\u015f\u0131 Mukremin \u015eagin<\/p>\n

Q\u0131r\u0131mtatar halq lideri Mustafa Cemilev<\/p>\n

Q\u0131r\u0131mtatar Milliy meclis reisi Refat Çubarov<\/p>\n

QR meneceri Lüdmila Korotkih rezolüts\u0131yan\u0131 oquyaraq \u015fun\u0131 qayd etti ki, 1944 senesi q\u0131r\u0131mtatar sürgünlik qurbanlar\u0131n\u0131ñ hat\u0131r\u0131na ba\u011f\u0131\u015flan\u011fan onlayn mitingniñ i\u015firakçileri:<\/p>\n

 – q\u0131r\u0131mtatar sürgünlik qurbanlar\u0131n\u0131ñ hat\u0131r\u0131na ba\u015flar\u0131n\u0131 egip, rusiye ordus\u0131 taraf\u0131ndan Ukraina territoriyas\u0131nda kerçekle\u015ftirilgen insaniyetlikke qar\u015f\u0131 cinayetler neticesinde onlarnen biñ qurban ketkenine kederini bildireler;<\/p>\n

– i\u015f\u011fal ve cenk \u015faratlerinde Ukrain devletine sad\u0131q qal\u011fan cesür q\u0131r\u0131mtatar halq\u0131na destegini bildireler;<\/p>\n

– q\u0131r\u0131m siyasiy mahbüsleriniñ metanet ve sabitligini taqdirleyler;<\/p>\n

– Ukraina silãhl\u0131 küçlerine  minnetdarl\u0131q ve hürmetini bildireler;<\/p>\n

–  s\u0131ñ\u0131r mudafaas\u0131nda ve Ukraina silãhl\u0131 küçlerinde h\u0131zmet etken Q\u0131r\u0131m sakinleriniñ fedakãrl\u0131q ve cesürliginen \u011fururlanalar;<\/p>\n

– göñülli, faal cemaat erbaplar\u0131, jurnalistlerniñ ukrain halq\u0131nen birlikte emiyetli rolüni taqdirleyler.<\/p>\n

\n

‘Q\u0131r\u0131mtatar sürgünlik qurbanlar\u0131n\u0131ñ hat\u0131ras\u0131na ba\u011f\u0131\u015flan\u011fan onlayn miting i\u015ftirakçileri q\u0131r\u0131mtatar Milliy Meclisiniñ mevam\u0131na qol tutar ekenler, rusiye-ukrain cenki Ukrainan\u0131ñ territorial bütünligi, muhtariyetiniñ tiklenilmesinen yekünlecegine eminler’,- dep sözüni bitirdi Korotkih.<\/p>\n<\/blockquote>\n

 Hat\u0131rlatam\u0131z ki, 2015 senesi 12 noyabr künü Ukraina Yuqar\u0131 \u015euras\u0131n\u0131ñ ferman\u0131 ile 18 may\u0131s künü  q\u0131r\u0131mtatar sürgünlik qurbanlar\u0131n\u0131ñ hat\u0131ra künü olaraq, 1944 senesi sürgünlik ise genots\u0131d olaraq tan\u0131ld\u0131.<\/p>\n