{"id":169973,"date":"2021-07-22T10:30:46","date_gmt":"2021-07-22T07:30:46","guid":{"rendered":"https:\/\/www.ctrcenter.org7047-repressii-v-okkupirovannom-krymu-prodolzhayutsya-otchet-krc-za-i-polugodie-2021-goda-2"},"modified":"2021-07-22T10:30:46","modified_gmt":"2021-07-22T07:30:46","slug":"7047-repressii-v-okkupirovannom-krymu-prodolzhayutsya-otchet-krc-za-i-polugodie-2021-goda-2","status":"publish","type":"post","link":"https:\/\/ctrcenter.org\/qt\/7047-repressii-v-okkupirovannom-krymu-prodolzhayutsya-otchet-krc-za-i-polugodie-2021-goda-2","title":{"rendered":"Q\u0131r\u0131mda repressiyalar devam ete-QRM 2021 senesini\u00f1 1 yar\u0131my\u0131ll\u0131\u011f\u0131 i\u00e7\u00fcn esabat\u0131"},"content":{"rendered":"

\"\"<\/p>\n

Matbuat-konferents\u0131yada Q\u0131r\u0131mtatar resurs merkeziniñ reisi, q\u0131r\u0131mtatar Meclisi çetel i\u015fler ve huquq meseleleri boyunca idaresiniñ ba\u015f\u0131 Eskender Bariyev, QRM kommunikats\u0131ya meneceri Tatyana Podvornãk, siyasiy mahbüs Vladislav Yesipenkon\u0131ñ ömürarqada\u015f\u0131 Yekaterina Yesipenko i\u015ftirak ettiler.<\/p>\n

QRM malümatlar\u0131na köre, 2021 senesiniñ 1 yar\u0131my\u0131ll\u0131\u011f\u0131nda i\u015f\u011fal etilgen Q\u0131r\u0131mda 33 tintüv, olardan 13-q\u0131r\u0131mtatar qorantas\u0131nda keçirildi. 2020 senesi ayn\u0131 müddet içinde QRM taraf\u0131ndan 23 tintüv qayd etilgen edi. Yar\u0131madan\u0131ñ i\u015f\u011falinden ba\u015flap, siyasiy ve diniy sebeplerden dolay\u0131 taqip ve basq\u0131larn\u0131ñ keti\u015fat\u0131 hiç deñi\u015fmey.<\/p>\n

Yanvar ay\u0131nda 3 tintüv qayd etilgen edi: \u0130van Yatkinniñ ömürarqada\u015f\u0131 ve ‘içtimaiy a\u011flarda terrorizmni aqla\u011fanlar\u0131’nda qabaatlan\u011fanlarn\u0131ñ evlerinde.<\/p>\n

Fevral ay\u0131nda silãhl\u0131 küçler ‘\u0130yegova \u015faatlar\u0131 davas\u0131’, ‘Hizb ut-Tahrir davas\u0131’ boyunca 10  ve 1 tintüvni faalli Lüdovika Papadopolun\u0131ñ evinde keçirildi.<\/p>\n

Aprel ay\u0131nda 6 tintüv keçirildi: 4 tintüv Abduselãm Selãmetov, Seyran Taymazov, Eldar Fetlãyev, Ruslan Ramazanovn\u0131ñ evinde, ‘Hizb ut-Tahrir davas\u0131’n\u0131ñ i\u015ftirakçisi Enver Seytosmanovn\u0131ñ a\u011fas\u0131nda ve Alu\u015fta sakininde ‘ekstremist faaliyetine ça\u011f\u0131r\u011fanlar\u0131’ içün tintüvler keçti.<\/p>\n

May\u0131sta 4 tintüv qayd etildi: Ayub Rahimov, Gafarovlar ailesinde, Zidan Acikelãmov ve Muslim Zevriyevniñ evlerinde.<\/p>\n

\n

‘Tintüvlerini keçirgen zamanda silãhl\u0131 küçler insan haqlar\u0131n\u0131 bozalar. Ayr\u0131ca, evniñ içine kirgende mülkke zarar ketirgenleri, ya da tintüvni evniñ sahibi olma\u011fanda keçirgenleri, gizliden yasaq edebiyat qald\u0131r\u011fanlar\u0131 belli. \u015eundan da \u011fayr\u0131, tintüv vaqt\u0131nda may\u0131s ay\u0131nda Ayub Rahimov öldürildi. \u0130\u015f\u011falc\u0131larn\u0131ñ aytqanlar\u0131na köre, o itiraz köstergen eken’,- dedi Eskender Bariyev.<\/p>\n<\/blockquote>\n

 Esabat devri içinde QRM 156 tutuqlama, olardan 126 q\u0131r\u0131mtatarlar\u011fa nisbeten, qayd etildi. Keçken sene ise 48 tutuqlama belli edi.<\/p>\n

\n

‘Bir s\u0131ra tutuqlamalar tintüvlerden soñra yer al\u011fan edi. Q\u0131r\u0131m sakinleri RF-nda yasaq etilgen ‘Hizb ut-Tahrir’, ‘\u0130yegovalar \u015faatlar\u0131’ te\u015fkilãtlar\u0131nda i\u015ftirak etkenlerinde, RF silãhl\u0131 küçler saflar\u0131na ça\u011f\u0131r\u0131l\u011fandan qaç\u0131n\u011fanlar\u0131nda, ‘içtimaiy a\u011flarda terrorizmni aqla\u011fanlar\u0131’nda, ‘devlet h\u0131yanetliginde’ ve diger cinayetlerde qabaatlana ediler. Qarasuvbazar ‘Hizb ut-Tahrir davas\u0131’n\u0131ñ i\u015ftirakçilerine mahkeme hükümi ilãn etilmesine Q\u0131r\u0131mdan Rostov-na-Donu \u015feherine ketkenler kütleviy \u015fekilde tutuqland\u0131. O vaq\u0131tta 126 tutuqlanma, hepisi de q\u0131r\u0131mtatarlar\u011fa qar\u015f\u0131 ol\u011fan\u0131 belli’,- qayd etti QRM reisi.<\/p>\n<\/blockquote>\n

 Krivoy Rog sakini Vladislav Yesipenkon\u0131ñ tutuqlanmas\u0131 ayr\u0131ca hat\u0131rland\u0131. On\u0131 Aqmescitte Taras \u015eevçenkon\u0131ñ do\u011f\u011fan künü munasebetinen keçirilgen akts\u0131yadan soñra tutuqla\u011fan ediler. Vladislav elektrik i\u015fkencesine o\u011frat\u0131l\u011fan edi.<\/p>\n

 2021 senesi 1 yar\u0131my\u0131ll\u0131\u011f\u0131nda i\u015f\u011fal etilgen Q\u0131r\u0131mda 41 sor\u011fu, olardan 18 q\u0131r\u0131mtatarlar\u011fa nisbeten, keçirilgen edi. Keçken sene 52 sor\u011fu qayd etilgen edi.<\/p>\n

Bariyevniñ aytqan\u0131na köre, sor\u011fular\u011fa RF-nda yasaq etilgen ‘Hizb ut-Tahrir’, ‘\u0130yegovalar \u015faatlar\u0131’ te\u015fkilãtlar\u0131nda i\u015ftirak etkenlerinde, ‘içtimaiy a\u011flarda terrorizmni aqla\u011fanlar\u0131’nda, ‘devlet h\u0131yanetliginde’ qabaatlan\u011fanlar çekile edi. Bir sor\u011fu Q\u0131r\u0131m s\u0131ñ\u0131r\u0131nda rusiye silãhl\u0131 küçleri taraf\u0131ndan keçirilgen edi. \u015eundan da \u011fayr\u0131, siyasiy mahbüslerniñ tuv\u011fanlar\u0131, faalliler, bir özleri piketke ç\u0131qqanlar sor\u011fulan\u011fanlar\u0131 belli.<\/p>\n

 2021 senesiniñ 1 yar\u0131my\u0131ll\u0131\u011f\u0131nda i\u015f\u011fal etilgen Q\u0131r\u0131mda 96 hapisleme, olardan 60 q\u0131r\u0131mtatarlar\u011fa nisbeten, qayd etlidi. 96-dan: 27-mahkeme hükümleri, 14-yañ\u0131, 55- hapis müddetiniñ uzat\u0131lmas\u0131. Keçken sene 150 hapislenme belli edi. QRM ekspertlerniñ fikrine köre, keçken senege baqqanda bu sene hapiske al\u0131nuvlarn\u0131ñ eksilmesi koronavirusn\u0131ñ artmas\u0131nen ba\u011fl\u0131d\u0131r.<\/p>\n

QRM bildirgenine köre, mezkür devir içerisinde i\u015f\u011falc\u0131lar:<\/p>\n

-qarasuvbazar ‘Hizb ut-Tahrir davas\u0131’n\u0131ñ i\u015ftirakçisi Enver Omerovn\u0131 18 y\u0131l\u011fa, Ayder Cepparovn\u0131 17 y\u0131l, Riza Omerovn\u0131 13 y\u0131l hapis cezas\u0131na,<\/p>\n

-Ukraina tarafl\u0131 faalli Oleg Prihodkon\u0131 5 sene,<\/p>\n

-siyasiy mahbüs Mecit Ablãkimovn\u0131 ‘N.Çelebicihan ad\u0131na batalyon\u0131nda’ i\u015ftirak etkeni içün 6 sene,<\/p>\n

-Galina Dovgopolayan\u0131 12 sene,<\/p>\n

-‘\u0130yegova \u015faatlar\u0131’ te\u015fkilãt\u0131nda i\u015ftirak etkeninde qabaatlan\u011fan Viktor Sta\u015fevskiyni 6.5 sene,<\/p>\n

-ATR telekanaln\u0131ñ sahibi Lenur \u0130slãmovn\u0131 18 sene,<\/p>\n

-ukrain arbiy h\u0131zmetçisi Yevgeniy Dobrinskiyni ‘qanuns\u0131z s\u0131ñ\u0131rn\u0131 keçkeni içün’ ve ‘afyon kontrabandas\u0131’ içün 3.6 sene,<\/p>\n

-siyasiy mahbüs \u0130van Yatskinni 11 sene,<\/p>\n

-ukrain vatanda\u015f\u0131n\u0131 ‘ekstremist cemiyetni’ te\u015fkil etkeni içün 1 y\u0131l\u011fa,<\/p>\n

-q\u0131r\u0131mtatar Milliy Meclis reisi Refat Çubarovn\u0131 6 sene hapis, 200 biñ ruble para cezas\u0131 ve 200 saat ceza i\u015flerine,<\/p>\n

-sab\u0131q siyasiy mahbüs Edem Bekirovn\u0131 7 sene hapis ve 150 biñ ruble para cezas\u0131na,<\/p>\n

-eki erkekni ‘N.Çelebicihan ad\u0131na batalyon\u0131nda’ i\u015ftirak etkenleri içün 8 y\u0131l\u011fa mahküm ettiler.<\/p>\n

22-31 yanvar\u011fa qadar i\u015f\u011falc\u0131lar Navaln\u0131y\u011fa qoltutuv akts\u0131yas\u0131nda i\u015ftirak etken 12 adamn\u0131 yaqalad\u0131: Vãçaslav Neyevin, Aleksandr Kritskiy, Aleksandr Baklitskiy, \u0130lya Zaika, Artem Luka\u015fov, Setgey Luka\u015fov, Anastasiya Luka\u015fenko, Maksim B\u0131çkov, Andrey Kravtsov, Maksim Rozum, Daniil Kovalenko, Tatyana Stepina.<\/p>\n

\u0130\u015f\u011falc\u0131 mahkeme qarar\u0131 ile qanuns\u0131z hapiske al\u0131n\u011fanlar:<\/p>\n

-faalli Nina(Latifa) Malahova, ev hapisinde,<\/p>\n

-tintüvden soñra Ernest \u0130bragimov, Timur Yalkabov, Azamat Eyupov, Oleg Fedorov, Lenur Seydametov, Ya\u015far \u015eihametov tutuqland\u0131,<\/p>\n

-Vladislav Yesipenko hapislendi,<\/p>\n

-42 ya\u015f\u0131nda Taras Kuzö ‘ekstremis te\u015fkilãt\u0131n\u0131 maddiy desteklegeni içün ve \u0130yegova \u015eaatlar\u0131 te\u015fkilãt\u0131nda i\u015ftirak etkeni içün ev hapisine mahküm etildi,<\/p>\n

-q\u0131r\u0131m muhalifet faalli \u0130lya Bol\u015fedvorovn\u0131 piketni video\u011fa ç\u0131qar\u011fan\u0131 içün 10 künge hapiste tutt\u0131lar,<\/p>\n

-eki RF vatanda\u015f\u0131 ‘terrorizmni desteklegeni içün’ eki ay\u011fa tutuqland\u0131.<\/p>\n

-Alu\u015fta sakini ‘ekstremist faaliyetke ça\u011f\u0131r\u011fan\u0131 içün’,<\/p>\n

-RF vatanda\u015f\u0131 devlet hiyanetliginde. FSB aytqan\u0131na köre, adam Ukraina mudafaa nazirligine Qaradeñiz flotu haqq\u0131nda malümat toplap yibere edi.<\/p>\n

 2021 senesiniñ 1 yar\u0131my\u0131ll\u0131\u011f\u0131nda adaletli mahkeme haqq\u0131 205 kere bozuld\u0131, olardan 130- q\u0131r\u0131mtatarlar\u011fa nisbeten. Keçken senege baqqanda bu raqam azca olsa da, adaletli mahkeme haqq\u0131 bozul\u011fan\u0131 i\u015f\u011fal etilgen territoriyada mahkemelerniñ qanuns\u0131z faaliyetine i\u015faret ete.<\/p>\n

Eñ azdan 14 adam qanuns\u0131z yaqaland\u0131, 27 dava boyunca hüküm ç\u0131qar\u0131ld\u0131. \u015eundan da \u011fayr\u0131, QRM 55 hapis müddeti uzat\u0131l\u011fan\u0131n\u0131 da qayd etti. \u015eun\u0131 da qayd etmeli ki, 2021 senesi 1 yar\u0131my\u0131ll\u0131\u011f\u0131nda mahkemeler Q\u0131r\u0131m siyasiy mahbüslerni qorçala\u011fanlar taraf\u0131ndan muracaat etilgen \u015fikãyetlerni qabul etmemege devam etmekteler.<\/p>\n

\n

‘QRM ekspertlerniñ fikrine köre, adaletli mahkeme haqqlar\u0131 bozul\u011fan\u0131 tam\u0131r halq ve ukrainli faalliler diskriminats\u0131ya\u011fa o\u011frat\u0131l\u011fan\u0131na i\u015faret ete. Rusiye Federats\u0131yas\u0131 öz qanunlar\u0131n\u0131 siyasiy maqsadlar\u0131n\u0131ñ menfaat\u0131 içün qanuns\u0131z \u015fekilde qullana, ayr\u0131ca da q\u0131r\u0131mtatarlarn\u0131ñ zorbal\u0131qs\u0131z küre\u015fini ve Q\u0131r\u0131m i\u015f\u011faline qar\u015f\u0131 ç\u0131qqanlar\u0131n\u0131 bast\u0131rmaq içün’,- qayd etti kommunikats\u0131ya meneceri.<\/p>\n<\/blockquote>\n

Fizik ve psihik sa\u011fl\u0131\u011f\u0131n\u0131ñ eñ yüksek seviyesine sahip olmaq haqq\u0131n\u0131ñ bozuvlar\u0131 da sistemli mizac\u0131n\u0131 ta\u015f\u0131maqtalar. 2021 senesi 1 yar\u0131my\u0131ll\u0131\u011f\u0131nda añ\u0131l\u011fan haq 92 kere bozuld\u0131, olardan 62 kere q\u0131r\u0131mtatarlar\u011fa nisbeten. Bu raqamlar keçken senege baqqanda daha üstündir: 74 kereden 58-zi q\u0131r\u0131mtatarlar\u011fa nisbeten.<\/p>\n

Kommunikats\u0131ya meneceri Tatyana Podvornãk qayd etkeni kibi, böyle vaziyet Q\u0131r\u0131m mahbüslerine tibbiy yard\u0131m köstermemek siyaseti mahsus keçirilgenine i\u015faret ete.<\/p>\n

Aqmescit ‘Hizb \u0131t-Tahrir davas\u0131’n\u0131ñ i\u015ftirakçileri Servet Gaziyev ve Erfan Osmanov koronavirusnen hastaland\u0131lar.<\/p>\n

QRM malümatlar\u0131na binaen, 2021 senesi 1 yar\u0131my\u0131ll\u0131\u011f\u0131nda  Q\u0131r\u0131m siyasiy mahbüsleri 36 kere, olardan 35 q\u0131r\u0131mtatar, diger yerlerge al\u0131p ketildi.<\/p>\n

Te\u015fkilãtn\u0131ñ esabat\u0131nda diger diniy, ekologik haqlarn\u0131ñ bozuluv\u0131, hapishanelerde mü\u015fkül \u015faraitler, qad\u0131nlarn\u0131ñ haqlar\u0131 bozul\u011fan\u0131, i\u015f\u011fal etilgen Q\u0131r\u0131mda qanuns\u0131z arbiy talimler keçirilgeni haqq\u0131nda malümat berile.<\/p>\n