Cumaaqşamı, yanvarniñ 28-de tacmaraz (COVİD-19) hastalığınıñ darqalmasına baqmadan, işğal etilgen Qırımda nevbetteki qanunsız arbiy talimatlar keçirildi. Olparnıñ devamında 15 tehnika birlemi ve 100 asker iştirak etti. Bu aqta Qaradeñiz flotunıñ matbuat hızmeti haber ete.
Qırımtatar Maaliy Merkezi boşağan buhgalter vazifesine yarış ilân ete.
26-ci yanvar künü siyasiy mabüsi, ''Hizb ut-Tahrir davasınıñ'' iştirakçisi Timur İbragimov 36 yaşını toldura ve doğğan kününi koloniyada qayd etmege mecbur. O mında iç bir esassız, uquqsız yarımadanıñ işğalci akimiyeti tarafından qapatılğan edi. Qırımtatar Maaliy Merkeziniñ hadimleri Lenur Halilovnı can-yürekten doğğan künü ile hayırlay! Oña qaviy sağlıq, eñ yaqın vaqıtta azat etilmekni, sabır tiley! Allah baht, sabır ve sağlıq bersin!
2020 senesi devamında adaletli mahkeme aqqı bozuluvınıñ 424 adisesi qayd etildi, olarnıñ 355 – tamır qırımtatar halqına nisbeten. Bu köstergiç keçken yıllarnıñ aynı devirine köre azcadır yani 2019 senesi 692 adise aqqında belli olsa, 2018 senesinde ise – 492. Bunıñ aqqında 2020 s. Qırımtatar Maaliy Merkeziniñ tarafından insan aqları bozuluvı boyunca yapılğan talilinde aytıla.
2020 senesi siyasiy mabüsları Qırımdan etapnen keçirilüviniñ 77 adisesi belgilendi, olarnıñ içinden 70 – tamır halqınıñ vekillerine nisbeten. Keçken sene aynı devirde etapnen keçirilüvleriniñ 96 adisesi aqqında belli edi.Bunıñ aqqında 2020 s. Qırımda insan aqlarınıñ bozuluvı boyunca Qırımtatar Maaliy Merkezi tarafından yapılğan talilinde aytıla.
Salı künü fevralnıñ 2-de, saat 17-10, "Jovten" kinoteatrniñ binasında Qırımtatar Maaliy Merkezi ve "Mir i Ko" Hayriye fondu tarafından "Qırım. Suvsuzlaştıruv" adlı eksklüziv vesiqalı film taqdim etilecektir. Film zemanemizniñ eñ aktual mevzularından birini , yani yarımadada suv qıtlığı mevzusını kötere ve rusiye akimiyeti tarafından suv resurslarına tutumsız, ratsionalsız yanaşuvını açıqlay. Muhtaclarmı Qırım sakinleri Dnepr suvlarına? İşğalciler aqiqaten de suv qıtlığı meselesini çezmege tırışalar? Ve kimlerge kerçekten de suv yetmey? Ep meraqlanğanlarnı bu filmniñ premyerasını seyir etmege ve Qırım yarımadasınıñ yerli ealisi içün uydurılğan "Suv meselesi" aqqındaki mifni aydınlatmağa davet etemiz.
2020 senesi işğal olunğan Qırımda 280 yaqalanuv qayd etildi, olarnıñ arasından 229-ı qırımtatarlarğa nisbeten. Bu köstergiç keçken yılğa köre 2 kere arttı (157). 2018 senesi böyle 128 adise aqqında belli edi, 2017 senesi ise -286. Bunıñ aqqında Qırımtatar Maaliy Merkeziniñ tarafından yapılğan insan aqları bozuluvı talilinde aytıla.
Aqmescitteki "Hizb ut-Tahrir" işi boyunca yaqalanğan Teymur Abdullayevniñ abulkatı (qorçalayıcısı) siyasiy mabüsniñ aqqında malümat berilmegeni sebebinden rusiye müstemlekesine (koloniyasına) memuriy isklerni taqdim etmege niyetlene.
2020 senesi işğal olunğan Qırımda 252 apiske alınuv qayd etildi , olarnıñ içinden 199 – tamır halqnıñ vekilleri. 252 apisniñ içinde 47-si – yañı yaqalanuvlar, 16-sı- üküm çıqaruv, 189-zı - Qırım siyasiy mabüslarnıñ yaqalanuv müddetlerini devam ettirilüvi boyuncadır. Bunıñ aqqında Qırımtatar Maaliy Merkeziniñ tarafından yapılğan 2020 senesi Qırımdaki insan aqları bozuluvına bağışlanğan talilinde aytıla.
2020 senesi işğal olunğan Qırımda eñ azından 52 tintüv ötkerildi, olarnıñ içinden 26 danesi – qırımtatarlarınıñ evlerinde. Bu köstergiç keçken yılınıñ aynı zamanına köre 2 kere azdır (157). Qırımtatar Maaliy Merkezi ekspertleriniñ fikirlerine köre, böyle al tacmaraz hastalığı pandemiyasına bağlıdır.
Qırımtatar Maaliy Merkezi işğal etilgen Qırımda 2020 senesiniñ ilk qış ayında yüz bergen insan aqları bozuluvlarğa dair talilini taqdim ete. Teşkilâtnıñ malümatlarına köre, esabat deviri içinde 1 tintüv, 4 yaqalav, 10 sorğu ve ''sübet'' adiseleri qayd etildi. İlk qış ayında umumen alğanda 34 insan tevqif etildi, olardan 29 tamır qırımtatar halqınıñ vekilleri edi. Adaletli mahkeme aqqı 49 kere bozuldı. Fizikiy ve ruhiy sağlığınıñ eñ yüksek seviyesine irişe bilüv aqqınıñ bozuluvı ile bağlı 11 adise aqqında bellidir. Bundan ğayrı, ilk qış ayında 32 siyasiy mabus Qırımdan avuştırıldı.
Qırımtatar Maaliy Merkeziniñ hadimleri cümleñizni can-yürekten keleyantqan Yañı 2021 yıl ile hayırlay! Sizge qaviy sağlıq, evleriñizge bereket, işleriñizge muvafaqiyet, sabır, üzerinde tınç kök yüzü olmasını, bütün niyet ve ğayereleriñizni yerine ketirilmesini tileymiz. 2021 senesi azatlıqqa, tınçlıqqa ve abadanlıqqa yol açacaq büyük deñişmeler yılı olsun. Er künümiz cümlemizge eyi haberler ketirsin, er animiz sevgi, aenk ve hayırhaqlıq ile tolsun. Yañı yılıñız hayırlı olsun!
Qırımtatar Maaliy Merkezi idaresiniñ yolbaşçısı, Qırımtatar Milliy Meclisniñ azası Eskender Bariyev ''Apostrof'' telekanalına begen intervyusında işğalciler tabiy suv menbalarını aqılsızca işletkenleri sebebinden Qırımda ekotsid yüz bergenini qayd etti.
RF mahkemesi Bahçisaraydaki üçünci "Hizb ut-Tahrir davası'' iştirakçileriniñ imayesi tarafından berilgen istinaf şikâyetini red etti. Seytumer Seytumerov, Osman Seytumerov ve Rustem Seyitmemetov 2021 senesi çiçek ayınıñ 22-ne qadar apis altında qalacaqlar.
Sali künü, ilk qış ayınıñ 29-de, Cenübiy okrugınıñ arbiy mahkemesi Aqmescitteki ekinci ''Hizb ut-Tahrir davası'' iştirakçileriniñ apis müddetlerini uzattı. Remzi Bekirov, Riza İzetov, Raim Ayvazov, Şaban Umerov ve Farhod Bazarov tevqifhanede 2021 senesi ilk yaz ayınıñ 16-nace qalacaqlar.
İlk qış ay 30 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 418 kişi oğrağan. Ağımdaki yılnıñ başından berli Qırımda 31 532 kişiniñ bu hastalıqqa oğrağanı aqqında bellidir.
Bahçisaraydaki ''Hizb ut-Tahrir davasınıñ'' iştirakçisi Marlen Asanov Rusiyedeki Rostov-na-Donu taqiqat izolâtorınıñ mahsus bölüginde daimiy videonezaret altında buluna. Bu aqta Qırımtatar Maaliy Merkezine onıñ ömür arqadaşı Ayşe Asanova haber etti.
Ukrainanıñ Rostov-na-Donu şeerindeki Baş konsulı Taras Malışevskiy Rusiye tevqifhanelerindeki ukrain siyasiy mabuslarnı ziyaret etti. O, Rustem Seyitmemetov, Seytumer Seytumerov ve Osman Seytumerov ile körüşti. Bu aqta ''Qırım birdemligi'' haber etti.
Bazarertesi künü, ilk qış ayınıñ 28-de, iştirakçileri içün 13 yıldan 19 yılğace qattı sürette apis istenilgen ''Hizb ut-Tahrir davası'' boyunca mahkeme oturışuvı keçirilecek edi. Mahkemeci hastalanğanı sebebinden ''oturışuv'' başqa künge avuştırıldı. Bu aqta ''Qırım birdemligi'' haber etti.
İlk qış ay 29 kününiñ sabası itibarınen vaqtınca işğal etilgen Qırımda ve Aqyar şeerinde tacmaraz hastalığına daa 414 kişi oğrağan. Ağımdaki yılnıñ başından berli Qırımda 31 114 kişiniñ bu hastalıqqa oğrağanı aqqında bellidir.